Монгол Улсын Яамны эрх зүйн байдлын тухай хуулийн 9 дүгээр зүйлийн 9.8 дахь хэсэг, Газрын тосны тухай хуулийн 8.1.10 дахь заалт, Аж үйлдвэр, Эрдэс баялгийн яамны сайдын 2021 оны 11-р сарын 22-ны өдрийн А/279 дүгээр тоот тушаал, Газрын тосны салбарын инженерүүдэд мэргэжлийн зэрэг олгох зөвлөлийн хуралдааныг үндэслэн ШУТИС-ийн Газрын тос, өрөмдлөгийн инженерчлэлийн тэнхим нь 2026 оны 06 дугаар сарын 23-наас 07 дугаар сарын 03-ны өдрүүдэд Аж үйлдвэр, эрдэс баялгийн яам ТНБД-ын баталсан сургалтын төлөвлөгөөний дагуу сургалтыг цахим, танхим хосолсон хэлбэрээр амжилттай зохион байгууллаа.
“Газрын тос, уламжлалт бус газрын тосны чиглэлээр мэргэжлийн зэрэг журам”-ын дагуу 12 зөвлөх, 1 мэргэшсэн инженер зэрэг сунгах, 3 зөвлөх инженер, 13 мэргэшсэн инженер зэрэг горилж сургалтад хамрагдлаа.
Сургалтын явц
Сургалтад Аж үйлдвэр, эрдэс баялгийн яам, Ашигт малтмал гарын тосны хэрэг эрхлэх газрын мэргэжилтнүүд, ШУТИС-ийн Геологи, уул уурхайн сургууль, Хэрэглээний шинжлэх ухааны сургууль, Мэдээлэл, холбооны технологийн сургуулийн багш нар, “Эм-Пи-Ай” Консалтантс ХХК, “Монгол газрын тос боловсруулах үйлдвэр” ТӨХХК, “ИНЕГ”, “Тэлмэн ресурс” ХХК, “UB Мetan” ХХК, “Лекс ойл” ХХК-ийн инженер-техникийн ажилтнууд хичээл заалаа.
2026 оны 08 дугаар сарын 28-ны өдөр Газрын тосны зөвлөх, мэргэшсэн инженерийн гэрчилгээ, тамга, энгэрийн тэмдгийг Аж үйлдвэр, эрдэс баялгийн яамны хүндэтгэлийн танхимд Төрийн нарийн бичгийн дарга Б.Дашпүрэв гардуулан өгч салбарын мэргэшсэн мэргэжилтнүүдэд ажлын амжилт хүслээ.
Газрын тосны зөвлөх, мэргэшсэн инженерүүд “Мэргэшсэн мэргэжилтний ёс зүйн тангараг” өргөж үнэмлэхээ гардан авлаа.
Мэргэшсэн мэргэжилтний ёс зүйн тангараг өргөх ёслол
Зөвлөх, мэргэшсэн инженерийн гэрчилгээг гардуулалт
Зөвлөх, мэргэшсэн инженерүүддээ ажил хөдөлмөрт нь өндөр амжилт хүсье!
ЗОХИОН БАЙГУУЛАГЧ:
ШУТИС-ийн ГУУС-ийн Газрын тос, өрөмдлөгийн инженерчлэлийн тэнхим
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
