Лабораторийн тухай
ШУТИС-ийн Мэдээлэл, холбооны технологийн сургуулийн Радио давтамж, антены сорилтын лаборатори нь техникийн чадавх, хараат бус байдал, үйл ажиллагааны чанарыг олон улсын стандартын шаардлагын дагуу үнэлүүлэн баталгаажуулж тохирлын үнэлгээний итгэмжлэлийн гэрчилгээгээ 2026 оны 10-р сарын 22-ны өдөр гардан авлаа.
Энэ нь Радио долгионы тархалтын хэмжилт, судалгаа, цахилгаан соронзон зохицол, хүний биед үзүүлэх нөлөөний түвшний хэмжилт хийх, антенны өсгөлт, чиглүүлэмж, чиглэлийн диаграмм, туйлшрал, бүрэн эсэргүүцэл, ЗДК, зурвасын өргөн, S-параметр тодорхойлох, RF ба бичил долгионы идэвхгүй хэрэгслийн S-параметр, агуурга ба фазын харьцаа, ажиллах давтамжийн муж, дохионы унтралт, портуудын хоорондын тусгаарлалт тодорхойлох, материалын диэлектрик үзүүлэлтийн зэрэг хэмжилтээр ILAC MRA-ийн гишүүнчлэл бүхий олон улсад хүлээн зөвшөөрөгдөх сорилтын үр дүнг тайлагнах чадвартай лаборатори болохыг нотолсон үйл явдал боллоо.
Үндэсний Итгэмжлэлийн төвийн даргын албан үүргийг түр орлон гүйцэтгэгч Ц.Батдорж Лабораторийн удирдлагуудыг хүлээн авч итгэмжлэлийн гэрчилгээг гардууллаа. Тэрээр итгэмжлэгдсэн байгууллагын үйл ажиллагаа нь бүтээгдэхүүн, үйлчилгээний чанар, аюулгүй байдлыг баталгаажуулах, хэрэглэгчийн эрх ашгийг хамгаалах, үндэсний үйлдвэрлэлийн өрсөлдөх чадварыг дээшлүүлэх зэрэг нийгэм, эдийн засгийн олон талын үр өгөөжийг бий болгодог талаар онцолжхат олонд баяр хүргэн, цаашид чанарын менежментийн тогтолцоогоо тасралтгүй сайжруулан, олон улсын стандартын шаардлагыг тогтвортой хангаж, хэрэглэгчид болон нийгмийн итгэлийг улам бэхжүүлэн ажиллахыг хүсэн ерөөв.
|
Итгэмжлэлийн гэрчилгээ TL-236 |
Гэрчилгээ гардуулах ёслол |
|
Хэмжилтийн үеэр |
|
|
|
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
ОХУ-ын Үндэсний судалгааны их сургууль "МЭИ"-ийн ректор Н.Д. Рогалев Монголын Боловсролын тэргүүний ажилтан цол тэмдэг хүртэв.
“Монгол орны гидрогеологи, инженер геологи, геоэкологийн асуудлууд” сэдэвт эрдэм шинжилгээний 34-р хурал Өмнөговь аймгийн Даланзадгадад боллоо
“Арьс шир, ноос ноолууран түүхий эдийн чанар, үнэ цэнийн сүлжээ, инноваци” эрдэм шинжилгээний онол, практикийн хурал зохион байгуулагдлаа
ШУТИС, Туркийн хамтын ажиллагаа, зохицуулалтын агентлагтай STEM боловсрол, инновацын чиглэлээр хамтран ажиллах талаар хэлэлцлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
