Шинжлэх ухаан, технологийн их сургууль (ШУТИС) болон Тайваны Үндэсний Төв Их Сургууль (National Central University, NCU) хоорондын хамтын ажиллагааг шинэ шатанд гаргах Харилцан ойлголцлын санамж бичигт ШУТИС-ийн ректор, доктор Т.Намнан, NCU-ийн ректор, доктор Шу-Сан Шяо нар гарын үсэг зурлаа. Ёслол нь 2026 оны 6 дугаар сарын 24-ний өдөр ШУТИС-д болсон “Зайнаас тандан судлал, гео-мэдээллийн хэрэглээ” сэдэвт олон улсын семинарын үеэр зохион байгуулагдав.
Энэхүү санамж бичиг нь хоёр их сургуулийн боловсрол, шинжлэх ухаан, судалгаа, инновацын хамтын ажиллагааг өргөжүүлэх, багш, судлаач, оюутны солилцоог хөгжүүлэх, хамтарсан судалгааны төсөл хэрэгжүүлэх, зайнаас тандан судлал, гео-мэдээлэл, хиймэл оюун ухааны чиглэлээр хамтарсан сургалт, судалгааг эрчимжүүлэхэд чиглэж байна.
Семинарын нээлтийн үеэр ШУТИС-ийн ректор доктор Т.Намнан, NCU-ийн ректор доктор Шу-Сан Шяо нар мэндчилгээ дэвшүүлсний дараа хоёр сургуулийн хамтын ажиллагааны санамж бичигт гарын үсэг зурсан бөгөөд уг үйл ажиллагаанд Монгол, Тайвань, Эстон, Япон, Казахстан зэрэг улсын эрдэмтэн, судлаачид оролцож, гео-орон зайн технологи, хиймэл оюун ухаан, зайнаас тандан судлалын сүүлийн үеийн судалгаа, хэрэглээний талаар илтгэл хэлэлцүүлэв.
ШУТИС нь энэхүү хамтын ажиллагаагаар дамжуулан олон улсын эрдэм шинжилгээ, инновацын сүлжээг өргөжүүлж, судалгааны чадавхыг бэхжүүлэхийн зэрэгцээ оюутан, багш, судлаачдад олон улсын хамтарсан төсөл, сургалт, академик солилцоонд оролцох шинэ боломжийг бүрдүүлж байна.
ШУТИС-ийн “Хүндэт доктор” цолыг “Эрдэнэт үйлдвэр” ТӨҮГ-ын Ерөнхий захирал Г.Ёндонд хүртээлээ
ШУТИС, Тайваны үндэсний төв их сургууль хамтын ажиллагаагаа өргөжүүлж, харилцан ойлголцлын санамж бичиг байгууллаа
АШУҮИС-ийн Монгол-Японы эмнэлэгтэй хамтран ажиллах гэрээ байгуулав.
ТДША-наас “Их сургуулийн ирээдүй: Дижитал орчин ба бүтээмжийн шинэ соёл” нээлттэй семинар зохион байгууллаа
2026 E5 KAIST Global Workshop арга хэмжээнд МХТС-ийн “SeeWay” баг амжилттай оролцож, тусгай байр эзэллээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
