"Эрдэнэс Монгол" ХХК болон Шинжлэх ухаан, технологийн их сургууль 2026 оны 5 дугаар сарын 6-ны өдөр хамтран ажиллах санамж бичигт гарын үсэг зурлаа.
“Эрдэнэс Монгол” ХХК нь Монгол Улсын аж үйлдвэржилтийг эрчимжүүлэх, уул уурхайд суурилсан боловсруулах үйлдвэрлэлийг хөгжүүлэх стратегийн зорилтоо хэрэгжүүлэх хүрээнд дотоодын тэргүүлэх их, дээд сургуулиудтай урт хугацааны хамтын ажиллагааг өрнүүлж байгаа бөгөөд энэхүү түншлэл нь хүний нөөц, судалгаа, инновац, үйлдвэрлэлийн уялдаа холбоог цогцоор нь хөгжүүлэхэд чиглэж байна.
Санамж бичигт “Эрдэнэс Монгол” ХХК-ийн гүйцэтгэх захирал Б.Даваадалай, ШУТИС-ийн ректор Т.Намнан нар гарын үсэг зурж баталгаажууллаа.
Хамтын ажиллагааны хүрээнд инженерчлэл, технологи, үйлдвэрлэлийн практикт суурилсан судалгаа, хөгжүүлэлт (R&D), инновацын экосистемийг хамтран хөгжүүлэх, салбарын хүний нөөцийн тогтвортой нийлүүлэлтийн системийг бүрдүүлэх, судалгаанд суурилсан шийдвэр гаргалтыг бэхжүүлэх, инновац, технологи дамжуулалтыг үйлдвэрлэлд бодитоор нэвтрүүлэх чиглэлээр хамтран ажиллах юм.
Мөн энэ үеэр Эрдэнэс Үйлдвэр технологийн парк ХХК-ийн гүйцэтгэх захирал Н.Мөнх-Идэр, ШУТИС-ийн Эрдэм шинжилгээ, инновац эрхэлсэн проректор Д.Цолмонбаатар нар 2024 оны 5 дугаар сард байгуулсан хамтын ажиллагааны санамж бичгээ шинэчлэн байгуулж, 2026 оны үйл ажиллагааны төлөвлөгөөнд гарын үсэг зурж баталгаажууллаа.
Энэхүү хамтын ажиллагаа нь их сургууль–үйлдвэрлэлийн уялдаа холбоог шинэ шатанд гаргаж, Монгол Улсын аж үйлдвэржилтийн бодлогын хэрэгжилтийг хурдасгах, мэдлэг, инновацад суурилсан хөгжлийг бодитоор дэмжих стратегийн чухал ач холбогдолтой юм.
“Эрдэнэс Монгол” ХХК ШУТИС-тай хамтын ажиллагааны санамж бичиг байгууллаа
Энэтхэгийн техник, эдийн засгийн хамтын ажиллагааны хөтөлбөр (itec)-өөр “Газрын тос боловсруулах үйлдвэр”-ийн чиглэлээр 21 хоногийн сургалтад амжилттай хамрагдлаа
Монгол Улсын Ерөнхийлөгчийн зарлигаар ШУТИС-ийн багш, ажилтнууд шагнагдаж, шагналыг БШУ-ны сайд гардууллаа
Монгол Улсын Ерөнхийлөгчийн зарлигаар ШУТИС-ийн багш, ажилтнууд төрийн дээд шагналаар шагнагдлаа
2026 оны “Хятад хэлний гүүр” Дэлхийн их, дээд сургуулийн оюутнуудын хятад хэлний олимпиад --- Монголын бүсийн тэмцээн амжилттай зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
