ШУТИС-ийн Хэрэглээний шинжлэх ухааны сургуулийн Химийн инженерчлэлийн тэнхимээс хэрэгжүүлж буй Газрын тосны боловсруулалтын технологи 2+2 бакалаврын хөтөлбөрийн 2-р ангийн 10 оюутан 2025–2026 оны хичээлийн жилийн хаврын улиралд БНХАУ-ын Зүүн Хойд Газрын Тосны Их Сургуульд “Оюутан солилцооны хөтөлбөр”-өөр суралцаж эхэллээ. Тус хөтөлбөрт хамрагдсан оюутнууд хятад хэл дээр мэргэжлийн суурь 28 кредитийн хичээл судлах бөгөөд энэ хугацаанд гадаад улсын сургалтын систем, сургалтын арга зүйтэй танилцаж, мэргэжлийн хятад хэлний мэдлэг, ур чадвараа бодит орчинд хөгжүүлэх боломж бүрдэх юм. Оюутнууд энэхүү хөтөлбөрт хамрагдсанаар 2026 оны намрын улиралд БНХАУ-ын Зүүн Хойд Газрын Тосны Их Сургуульд үргэлжлүүлэн суралцахад бэлтгэх чухал алхам болно гэж үзэж байна.
“Оюутан солилцооны хөтөлбөр”-ийг дэмжин ажилласан ШУТИС болон ХШУС-ийн удирдлагууд мөн оюутнуудын сургалтын болон амьдрах байрны төлбөрийг санхүүжүүлж, суралцах боломж олгосон БНХАУ-ын Зүүн Хойд Газрын Тосны Их Сургуулийн удирдлагуудад гүн талархал илэрхийлье.
Оюутан солилцооны хөтөлбөрт хамрагдаж буй нийт оюутнууддаа сурлагын өндөр амжилт хүсэн ерөөж, мэдлэг чадвараа улам тэлэн, эх орныхоо нэрийг өндөрт өргөж суралцахыг хүсэн ерөөе.
ХШУС. Химийн инженерчлэлийн тэнхим
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
