Япон улсын SMC корпорац болон ШУТИС-ийн хамтын ажиллагааны хүрээнд II-IV курсийн оюутнуудад зориулсан богино хугацааны дадлагажих хөтөлбөрийн талаарх танилцуулга уулзалт, өдөрлөг боллоо.
Тус арга хэмжээнд Япон улсаас танилцуулга хийхээр SMC корпорацын дараах төлөөлөгчид хүрэлцэн ирсэн гүйцэтгэх захирал SHINICHI YOSHIMURA, Хүний нөөцийн менежер KOSUKE SAITO, мэргэжилтэн OKUDA HARUKA мөн Санко группийн гүйцэтгэх захирал NORIMASA SHIMIZU, Санко маркетингийн захирал Г.Нямдэлгэр, ШУТИС-аас ОҮА-ны дарга, мэргэжилтэн, ЭХИС-ийн захирал Б.Бат-Эрдэнэ нар МХТС, МИТС, ЭХС-ийн 90 гаруй оюутны хамт оролцлоо.
Интерншип хөтөлбөрийн танилцуулгыг SMC корпорацын хүний нөөцийн менежер KOSUKE SAITO, SMC корпорацын танилцуулгыг SMC корпорацын гүйцэтгэх захирал SHINICHI YOSHIMURA нар танилцуулж, оюутнуудын сонирхсон асуултад хариулж мэдээллүүдийг тодорхой өглөө.
Танилцуулгын дараа ярилцлага зохион байгуулж ярилцлагад 8 оюутан сонирхлоороо оролцлоо.
“SMC Internship Program-2026” хөтөлбөр 2026 оны 6-8 сард 2 сарын хугацаатай хэрэгжихээр төлөвлөгдөөд байна. 2025 онд тус хөтөлбөр хэрэгжиж эхэлсэн бөгөөд зөвхөн МИТС-ийн оюутнуудыг хамруулж байсан бол 2026 оноос МИТС, МХТС, ЭХИС-ийн оюутнуудыг хамруулахаар болсон.
Хөтөлбөрт хамрагдсан МИТС-ийн 8 оюутан мэргэжлийн мэдлэг, хувь хүний төлөвшил, ур чадвараараа амжилттай сайн үнэлгээтэй үнэлэгдсэн. Энэ жил 12 орчим оюутан хамрагдах боломжтой гэх мэдээллийг өглөө.
ШУТИС-ийн эрдэмтэн Г.Надмид Сүхбаатарын одонгоор шагнагдлаа
ШУТИС-ийн багш, удирдлагууд төрийн дээд цол, одон медалиар шагнагдлаа
Сар шинийн баярыг угтан ШУТИС ахмад настнуудаа хүлээн авч уулзлаа
"САСАКАВА" тэтгэлэгт хөтөлбөрийн талаар
ШУТИС-ийн харьяа Политехник Коллежийн Техникийн боловсролын анхны төгсөлт боллоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
