Монгол улсын ерөнхийлөгч У.Хүрэлсүхийн урилгаар Узбекстан улсын ерөнхийлөгч Шавкат М.Мирзиеёв 6-р сарын 24-25 өдрүүдэд төрийн айлчлал хийж байна. Энэхүү айлчлалын хүрээнд 2024 оны 6-р сарын 23-ны өдөр Улаанбаатар хотноо Узбекстан улсын Текстил, хувцас үйлдвэрлэлийн ассоцациийн гишүүдтэй ШУТИС-ийн ректор Т.Намнан, Хөгжлийн бодлого, дижитал шилжилт эрхэлсэн проректор Р.Бадмаанямбуу, Хүнс, хөнгөн үйлдвэрлэл, дизайны сургуулийн захирал Н.Ганзориг, Хөнгөн үйлдвэрлэлийн технологи, инженерчлэлийн тэнхимийн эрхлэгч М.Баяр нар уулзаж хоёр улсын салбарын үйлдвэрлэл, их сургуулийн үйл ажиллагаа, цаашдын хөгжил, хамтын ажиллагааны талаар ярилцан санал солилцов.
Уулзалтын хүрээнд Шинжлэх ухаан, технологийн их сургуулийн Ректор, профессор Т.Намнан, Узбекстан улсын Текстил, хувцас үйлдвэрлэлийн ассоцациийн ерөнхийлөгч Мирмукшин Султанов нар харилцан ойлголцлын санамж бичигт гарын үсэг зурлаа.
Санамж бичгийн хүрээнд текстил болон хөнгөн үйлдвэрийн мэргэжилтнүүдийн харилцан туршлага солилцох, мэргэжил дээшлүүлэх сургалт зохион байгуулах, хөвөн, ноосны холиотой утас, даавуу үйлдвэрлэх технологи боловсруулах чиглэлээр хамтарсан эрдэм шинжилгээ судалгааны ажил гүйцэтгэх, нэхмэлийн үйлдвэрлэлийн дэвшилтэт технологи дамжуулах, автоматжуулалтыг хөгжүүлэх чиглэлд талууд цаашид илүү хамтран ажиллахаар төлөвлөв.
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
