ШУТИС-ийн Менежментийн сургууль, МХТС, ЭХИС, МИТС, Харилцаа Холбооны Зохицуулах Хороо, Диспетчерийн Үндэсний Төв ТӨХХК хамтран зохион байгуулсан “Бизнесийн технологи-2025” эрдэм шинжилгээний хурал 2025 оны 03 дугаар сарын 26-ний өдөр ШУТИС-ийн эрдэм шинжилгээ, инновацын төв 8-р байрны хурлын танхимд амжилттай болж өндөрлөлөө.
Монгол улсын эдийн засаг, үйлдвэрлэл, хэрэглээний салбарын хөгжлийн тулгамдсан асуудлыг шийдвэрлэх шинэ санаа, шинэ технологийн шийдлийг олох, улмаар төр, хувийн хэвшил, их сургуулийн хамтын ажиллагаанд суурилан судалгаа, хөгжүүлэлт хийснээр улс орны хөгжлийг түргэсгэх боломжийг эрэлхийлэх зорилгоор уг эрдэм шинжилгээний хурлыг зохион байгууллаа.
Хуралд сургалт, эрдэм шинжилгээ, үйлдвэрлэлийн 10 гаруй байгууллагын 60 гаруй эрдэмтэн судлаачид, бизнес эрхлэгчид оролцон их өгөгдөл ба хиймэл оюун ухааны эрх зүйн зохицуулалт, мэдээлэл, харилцаа холбооны болон эрчим хүчний салбарын шинэ технологиуд, бизнесийн процессын загварчлал болон инновац, нийтийн тээврийн систем дэх гүн сургалтын аргын ашиглалт зэрэг шинэ технологийг нийгэм, эдийн засгийн бүхий л салбарт хэрэглэх чиглэлээр нийт 21 өгүүлэл ирснээс 7 илтгэлийг хэлэлцэв.
Энэ удаагийн хуралд сургалт, эрдэм шинжилгээ, судалгааны байгууллагуудаас гадна бизнесийн салбарын төлөөллүүд оролцсон нь сургалт-эрдэм шинжилгээ-үйлдвэрлэлийн хамтын ажиллагаа, ШУТИС-ийн бүрэлдэхүүн сургуулиудын уялдаа холбоо, түншлэлийг хөгжүүлэхэд энэ хурал цаашдаа улам их хувь нэмрээ оруулах нь дамжиггүй юм.
Зохион байгуулах комисс
“Монгол орны гидрогеологи, инженер геологи, геоэкологийн асуудлууд” сэдэвт 33 дугаар эрдэм шинжилгээний хурал зохион байгуулагдлаа
Туркийн хамтын ажиллагаа зохицуулах агентлаг буюу “ТИКА”-ийн хөтөлбөрийн зохицуулагч ноён Мустафа Бүтүнийг хүлээн авч уулзав.
Монголын оюутны спортын холбооны IX чуулганд оролцож байна
ШУТИС-ийн багш, ажилтнууд төрийн дээд шагналаар шагнагдлаа
ШУТИС-ийн шатрын аварга шалгаруулах нээлттэй тэмцээн амжилттай зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
