Монгол улсын ШУТИС, БНСУ-ын Олон улсын Хамтын ажиллагааны Байгууллага (KOICA), Цахилгааны Инженерийн Институт (KIEE), Сангмён Их Сургууль (SMU), Ханбат Үндэсний Их сургууль (HBNU) хамтран зохион байгуулсан “International Conference on Electrical Facilities and Information Technologies 2024 (ICEF 2024) “New intelligence Technology: Past, Present and Future” сэдэвт олон улсын эрдэм шинжилгээний хурал 2024 оны 8 дугаар сарын 20 -оос 23 -ний хооронд ШУТИС-ийн 8-р байранд болж өндөрлөлөө.
Хуралд Монгол, БНСУ, Япон, ОХУ, Вьетнам, Турк, Энэтхэг, Пакистан, Казахстан, Австрали зэрэг 10 орноос оролцсон судлаачдын эрдэм судлалын нийт 127 бүтээлийг KOICA-MUST, Future Electric Facility Planning and Operations, AI, Smart Electrical Facilities & Material Sceince and Technology, Intelligent Transportation Technology, Information Communication Technology болон Building Integrated Photovoltaic System гэсэн салбар хуралдаанаар хэлэлцлээ. Уг хуралд KOICA-ийн дэд ерөнхийлөгч Юн Янг Ли (Yun Young Lee) ач холбогдол өгч хүрэлцэн ирж оролцсоноос гадна ШУТИС, МУИС, МУБИС, ҮБХИС, ХААИС, Хүрээ МХТДС, Төмөр замын дээд сургууль, MIU зэрэг Монголын их, дээд сургуулийн багш судлаачид оролцож өөрсдийн судалгааны ажлаа танилцууллаа.
Энэ удаагийн хурлын онцлог нь БНСУ-ын Засгийн Газрын буцалтгүй тусламжаар ШУТИС дээр хэрэгжиж байгаа төслийн хамтарсан 22 судалгааны ажлын үр дүнг хэлэлцэх, их сургуулийн оюутнуудын дунд зохиогдсон нийт 23 баг оролцсон “Global Capstone Design” тэмцээнээс гадна эрчим хүч, тээвэр логистикийн чиглэлээр Монгол-Солонгос улсын хамтарсан “Korea-Mongolia Industrial Exchange Technical Forum” форумыг хийж цаашид хамтран ажиллах талаар санал санаачилгууд гарснаараа онцлогтой боллоо. Хуралд оролцож судалгааны ажлаа танилцуулсан нийт багш судлаачид, оюутнууд болон БНСУ талаас хурлыг зохион байгуулсан KIEE, KOICA, SMU, HBNU, дэмжин ажилласан ШУТИС-ийн захиргаа, Нээлттэй боловсролын төв, ГХС, ШУТИС-Коосэн технологийн коллеж болон зохион байгуулалтад ажилласан ШУТИС-ийн МХТС, ЭХС, МТС-ийн хамт олонд талархал илэрхийлье.
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
