Боловсрол, шинжлэх ухааны яамнаас хэрэгжүүлж буй “Тэгш боломжийг бүрдүүлэх замаар суралцахуйг дэмжих” төслийн хүрээнд хоолзүйч, тогооч нарыг чадавхжуулах цахим болон танхим хосолсон сургалтыг Биотехнологи, шим тэжээлийн салбараас 2023 оны 1-р сарын 23-24-ний өдрүүдэд амжилттай зохион байгууллаа.
Тус сургалтад төслийн зорилтот дүүрэг, аймаг, сумын ерөнхий боловсролын сургуулийн нийт 140 гаруй хоолзүйч, тогооч нар хамрагдаж хоол үйлдвэрлэлийн эрүүл ахуй, зохистой дадал нэвтрүүлэх боломж, тоног төхөөрөмжийн аюулгүй ажиллагаа, тусгай хэрэгцээт хүүхдийн хоол тэжээлийн хэрэгцээг төлөвлөх сэдвүүдээр суралцав.
Мөн нийслэлийн 15 сургуулийн 30 тогооч, хоолзүйчид тусгай хэрэгцээт хүүхдийн өдрийн хоолны иж бүрдэл хоол хийх дадлага хичээлд хамрагдав. Дадлага хичээлээр махан шанзыг овьёос, гурвалжин будаагаар баяжуулах, алмондны гурилан жигнэмэг, аарц-бурамны шанзтай боов, хүрэн манжин, луувангийн шүүс бэлтгэх технологи ажиллагааг сурахын зэрэгцээ тусгай хэрэгцээт хүүхдүүдэд зориулсан хоолны түүхий эдийн онцлог, хүнсийг орлуулан хэрэглэх мэдлэг чадварыг эзэмшсэн болно.
Тус төслийн хүрээнд Хоолзүй, шим судлалын хавсарга хөтөлбөрт суралцаж буй 36 оюутанд сургалтын тэтгэлэг олгох бөгөөд 27 оюутан сурч байна.
Биотехнологи, шим тэжээлийн салбар
ШУТИС 2197 төгсөгчдөө үдэж, “Эрдмийн баяр” төгсөлтийн ёслолоо зохион байгууллаа
Ө.Буянхишиг "5G сүлжээний төхөөрөмж хоорондын холбооны нөөц хуваарилалтыг бататгах сургалтын аргаар оновчлох нь" сэдвээр докторын зэрэг хамгааллаа
М.Цэцэнцэнгэл “Хиймэл оюунд суурилан нийтийн тээврийн сүлжээний хүртээмжийг загварчлах нь” сэдвээр докторын зэрэг хамгааллаа
Япон улсын их, дээд сургуулиудын судлаач, профессоруудыг хүлээн авч уулзан, талархал илэрхийлэв
Ахмад настанд зориулсан миниволейболын улсын аварга шалгаруулах тэмцээнд оролцлоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
