ШУТИС-ийн Бизнесийн Ахисан Түвшний сургуулийн магистрын “Хүний нөөцийн менежмент” мэргэжлийн сонгон суралцах “Удирдлагын сэтгэл зүй” хичээлийн хөтөлбөрт 2021-2022 оны хичээлийн жилийн хаврын улирлаас туршилтын журмаар Көүчинг дадлага хичээл орж эхэллээ. Энэ нь Монгол улсад дээд боловсролын сургалтад Көүчингийг нэвтрүүлж байгаа анхны алхам болж байна. Хичээлийг менежментийн сэтгэл судлал , хүний хөгжил, психоанализ чиглэлийн судлаач багш М.Анара (Ph.D), Көүчингийг Coachingolia –ийн ( coachingolia.com) олон улсын мэргэжлийн көүч Д.Шинэбаяр(M.S&M.A) fb: shine dagva нар удирдан явуулж байна. Уг хичээлийн хүрээнд менежментийн сэтгэл судлалын асуудлуудыг хамарсан лекц хичээлүүд орохоос гадна, Көүчинг дадлага хичээлд хүний нөөцийн мэргэжилтэн, удирдах ажилтнуудад зориулсан орчин үед барууны хөгжингүй орны компаниудад түгэн дэлгэрээд байгаа Көүчинг суурь арга техниктэй танилцах, ажилтанд ажлын байранд өөрийгөө илэрхийлэх орчин хэрхэн бүрдүүлэх, ажилтан, хүний нөөцийн удирдах ажилтны хооронд итгэлцэл хэрхэн бий болгох, харилцааны гол цөм хэсгийг барьж сонсох, асуух талаар дадлагад суурилсан мэдлэгийг олгохыг зорьж, оюутан нэг бүртэй ганцаарчилсан болон групп көүчингийн ярилцлага, дадлага хийж байна. Цаашид дээд боловсролын сургалтын хөтөлбөрт Көүчингийг нэвтрүүлэх тал дээр сургуулийн зүгээс дэмжлэг үзүүлэх, улмаар энэ нь Монгол улсад төр хувийн хэвшлийн хамтын ажиллагааны хүрээнд хувь хүний хөгжлийн боловсролыг дээшлүүлэхэд томоохон хувь нэмэр оруулна хэмээн үзэж байгаагаа БАТС-ийн удирдлага, Көүч Д.Шинэбаяр нар санал нийлж буйгаа илэрхийлэн, хамтын ажиллагаагаа үргэлжлүүлэхээ тэмдэглэн хэллээ.
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
