БНХАУ-ын Үндэсний философи, нийгмийн шинжлэх ухааны сангийн дэмжлэгтэйгээр “Дэлхийн хятад судлалын судлаачдын аман ярилцлага” нэртэй 50 цуврал ном хэвлүүлэх төслийн ажлын хүрээнд ШУТИС-ийн ГХС-ийн багш Л.Чойжилмаа (доктор, дэд профессор) уригдан ярилцлага өглөө. Шууд ярилцлага зүүм платформоор 2021 оны 10 сарын 15-ны өдөр болсон.
Тус төсөлд европ, хойд америк, латин америк, арабын болон азийн орнуудын тухайн улс орондоо хятад судлалаар тодорхой хувь нэмэр оруулсан эрдэмтдийг урьж оролцуулсан.
Л.Чойжилмаа нь Ази судлал ОУЭШХ-ын зохион байгуулагч болон оролцогчоор олон жил ажилласан. Бээжин дэх “Дэлхийн хятад хэлний сургалтын холбоо”-ны албан ёсны гишүүнээр 2010 оноос эх орноо төлөөлөн ажилласан. 2011 онд докторын зэргээ хамгаалснаас хойш хятад хэлтэй холбоотой 8 ном сурах бичиг, гарын авлага хэвлүүлсэн. Гадаад, дотоодод зохиогдсон 30 гаруй ЭШХ-д оролцож хятад хэлтэй холбоотой асуудлаар илтгэл хэлэлцүүлсэн туршлагатай. 2014 онд Си Жинпин дарга монгол улсад хийсэн төрийн айлчлалын хүрээнд хэрэгжсэн Торгоны зам төслөөр 100 хятад киног монгол улсад гаргаж хятад улс, хятадын ард түмний амьдралыг монголын ард түмэнд танилцуулах ажлын хүрээнд тус төсөлд оролцож “Хоёулаа гэрлэх уу” (50 ангийг дангаар), Ланяа (зарим ангийг), Эгэл ертөнц (зарим ангийг) орчуулсан туршлагатай.
Энэ бүгдийг үндэслэн дээрх төсөл нь Л.Чойжилмаа эрдэмтнийг төсөлдөө урьж, монгол дахь хятад судлалын өнөөгийн байдал, хятад хэлийг түгээн дэлгэрүүлэх үйлс, монгол дахь хятад хэлний орчуулгын салбарын ажлын талаар 2 цаг гаруй ярилцаж шууд нэвтрүүлэг хийжээ.
Нийт эрдэмтэн багш нартаа эрдэм судлалын өндөр амжилтыг хүсье.
ГХС. АСС
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
