Гадаад хэлний сургуулийн Техник технологийн орчуулга /хятад хэл/ мэргэжлийн оюутнууд жил бүр БНХАУ-ын Шандуны ШУТИС-тай хамтран танилцах дадлагыг зохион явуулдаг. Оюутнууд жил бүр Шандуны ШУТИС-д очин 21 хоногийн дадлага хийхдээ хятад хэл, соёлын чиглэлийн хичээлд суухаас гадна хятад оюутнуудтай уулзаж 2 орны соёл заншил, их дээд сургуулийн онцлог, залуучуудын амьдрал зэрэг сэдвээр хэлэлцүүлэг хийж, чөлөөтэй ярилцаж санал бодлоо солилцдог. Мөн соёлын арга хэмжээний хүрээнд хятадын уламжлалт цаасан хайчилбар, уран бичлэг, хийн дасгал зэрэг төрлийн хичээлд оролцохоос гадна Шандун мужийн Чиндао хотын байгалийн үзэсгэлэнт газруудаар аялж оюутнууд маань ихийг сурч мэддэг.
Энэ хичээлийн жилийн хувьд ковидын нөхцөл байдлын улмаас хятад улсад очих боломжгүйн улмаас танилцах дадлага маань 6.1 - 6.19 өдөр хүртэл цахимаар явагдсан. Дадлагыг ГХС-ийн АСТ-ийн багш Л.Чойжилмаа удирдан явуулсан. Шандуны ШУТИС-ийн эрдэмтэн Хө Юү, Жан Сю хуа, Си Ту И чао багш нар Хятад хэлний ярих сонсох, Хятад хэлний унших бичих, Хятад хэлний түвшин тогтоох шалгалт /HSK/-ын бэлтгэл хичээлүүдийг хуваарийн дагуу заасан. Мөн хятад оюутнуудтай хийх хэлэлцүүлэг 2 удаа явагдсан. Оюутнууд маань хятадын соёл заншлын талаарх хичээлд оролцож олон зүйлийг сурч мэдсэн.
Цар тахлын энэ хэцүү хүнд үед дадлага маань урдын адил амжилттай явагдлаа. Дадлагад оролцож олон зүйлийг сурч мэдсэн оюутнууддаа хичээл сурлагын өндөр амжилт хүсье.
ГХС-ийн Ази судлалын тэнхим
ШУТИС-ийн Удирдах зөвлөл 2026 оны төсвийг баталж, “Чанар, ёсзүйн жил”-ийг зарлалаа
“Эндаументын сан”-г олон улсын жишигт нийцүүлэн байгуулж анхны хөрөнгө оруулалтаа олон улсаас татлаа
ШУТИС, ХШУС-ийн төлөөлөл ХБНГУ-ын Фрайбергийн их сургуулийн сургалт, эрдэм шинжилгээ, төсөл хөтөлбөрүүд, хагас үйлдвэрлэлийн төв, лабораториудын үйл ажиллагаатай танилцлаа
“Философи, хүний эрхийн уулзварт: хиймэл оюун ухаан ба ёс зүй” философийн улсын XVII олимпиадад ШУТИС-ийн оюутнууд дэд байрыг эзэллээ
Архивчдын өдрөөр ШУТИС-ийн ажилтнууд салбарын шагналаар шагнагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
