2026 оны 10 дугаар сарын 27-ны өдөр Бүгд Найрамдах Солонгос Улсын Вонжу хотын Иргэдийн төлөөлөгчдийн хурлын дэд дарга Ким Жи Хён, Ким Сон Дун, Аж үйлдвэр, эдийн засгийн хорооны дарга Хван Ги Сан, тус хорооны гишүүн Ан Гён Хо, Иргэдийн төлөөлөгчдийн хурлын гишүүн Сон Жүн Ги нар Шинжлэх ухаан, технологийн их сургуульд зочиллоо.

Төлөөлөгчдийг ШУТИС-ийн Сургалт, оюутны асуудал эрхэлсэн проректор Н.Эрдэнэхүү, Механик инженер, тээврийн сургуулийн захирал Н.Пүрэвдорж нар хүлээн авч, Эрдмийн зөвлөлийн хурлын танхимд уулзалт зохион байгуулан, боловсрол, шинжлэх ухаан, технологийн салбарын хамтын ажиллагааг өргөжүүлэх талаар санал солилцов.

Уулзалтын үеэр ШУТИС болон Вонжу хотын Халла их сургуулийн хамтран хэрэгжүүлж буй метроны инженер, техникийн мэргэжилтэн бэлтгэх 2+2 хамтарсан сургалтын хөтөлбөрийг цаашид дэмжин хөгжүүлэх боломжийн талаар хэлэлцлээ.
Түүнчлэн Вонжу хотод үйл ажиллагаа явуулдаг бусад их сургуулиудтай ШУТИС-ийн хамтын ажиллагааг өргөжүүлж, ухаалаг тээвэр, биомеханик инженерчлэлийн чиглэлээр хамтарсан судалгаа, төсөл, хөтөлбөр хэрэгжүүлэхэд дэмжлэг үзүүлэн ажиллахаа Вонжу хотын төлөөлөгчид илэрхийлэв.
Энэхүү уулзалт нь Монгол, Солонгосын их сургуулиудын хамтын ажиллагааг хот, орон нутгийн түвшинд өргөжүүлэх, инженерийн боловсрол, судалгаа, инновацын чиглэлээр хамтран ажиллах боломжийг нэмэгдүүлэхэд ач холбогдолтой юм.
«Автомат Робот-2026» намрын тэмцээнд 517 оролцогч өөрсдийн зохион бүтээсэн роботоороо өрсөлдлөө
“Эвсэг 2026” дөрвөн байгууллагын спорт өдөрлөг
“Cloud Tech Workshop 2026” арга хэмжээ зохион байгуулагдлаа
“Залуу насны хүсэл тэмүүлэл” сэдэвт хятад хэлний уран уншлагын уралдаан
ШУТИС SHARKS багууд АСБ 3x3 Superfinal 2026 тэмцээнд монгол улсаа төлөөллөө