Санхүүгийн менежментийн мэргэжлийн кабинетын тууз хайчлах ёслол 2020 оны 9 дүгээр сарын 24-ний өдөр ШУТИС, БУХС-д зохион байгуулагдлаа.
Уг арга хэмжээнд урилгаар ШУТИС-ийн захирал Б.Очирбат, дэд захирал Х.Энхжаргал, “БИД” ББСБ-ын гүйцэтгэх захирал Ц.Бат-Эрдэнэ, “Сүндэр Өргөө” ХХК-ийн захирал Б.Ганзолбоо, 2000-2019 оны санхүүгийн менежмент мэргэжлээр төгсөгчдийн төлөөлөл, хөрөнгө оруулагчид болон БАТС, БУХС-ийн удирдлага, багш нарын төлөөлөл 50 гаруй хүн оролцлоо.
Тус үйл ажиллагаанд баяр хүргэж УИХ-ын гишүүн Д.Сумъяабазар, Д.Цогтбаатар, УИХ-ын гишүүн, БОАЖЯ-ны сайд асан Н.Цэрэнбат, “MCS Инвестмент” ХХК-ийн гүйцэтгэх захирал Г.Мягмаржав нар мэндчилгээ ирүүллээ. ШУТИС-ийн захирал Б.Очирбат тууз хайчлах ёслолыг нээж үг хэлж, компьютер бэлгэллээ.
Санхүүгийн менежментийн мэргэжлийн кабинет нь 45.3 сая төгрөгийн төсөвт өртгөөр олон улсын дээд боловсролын стандартад нийцсэн, орчин үеийн шийдэл бүхий интерьер дизайнтай анги болжээ. Уг кабинетыг байгуулахад УИХ-ын гишүүн, БОАЖЯ-ны сайд асан Н.Цэрэнбат, “Юнител” ХХК, “БИД” ББСБ, “Сүндэр Өргөө” ХХК, 2000-2019 онд Санхүүгийн менежмент мэргэжлээр төгсөгчид хөрөнгө оруулсан байна.
Төгсөгчдийн оруулсан хөрөнгө оруулалт хандив болон Санхүүгийн менежментийн хөтөлбөрийн багийн багш нарын сэтгэл, хичээл зүтгэлээр байгуулсан уг кабинет нь оюутан суралцагчдыг суралцах таатай, тохилог орчныг бүрдүүлсэн, сургалтыг боломжит олон хэлбэрээр зохион байгуулж явуулах, ашиглах шийдэл бүхий тоног төхөөрөмжөөр тоноглогдсон нь сургалтын чанар, үр нөлөөг дээшлүүлэхэд чухал ач холбогдолтой боллоо.
ШУТИС, ХШУС-д АНУ-ын Батлан хамгаалах яамны санхүүжилттэй хэрэгжиж байгаа “ONR: N62909-23-1-2035” төслийн багийн гишүүд БНСУ-д томилолтоор ажиллалаа
“SMC Internship Program-2026” танилцуулга боллоо
ШУТИС-ийн Удирдах зөвлөл 2026 оны төсвийг баталж, “Чанар, ёсзүйн жил”-ийг зарлалаа
“Эндаументын сан”-г олон улсын жишигт нийцүүлэн байгуулж анхны хөрөнгө оруулалтаа олон улсаас татлаа
ШУТИС, ХШУС-ийн төлөөлөл ХБНГУ-ын Фрайбергийн их сургуулийн сургалт, эрдэм шинжилгээ, төсөл хөтөлбөрүүд, хагас үйлдвэрлэлийн төв, лабораториудын үйл ажиллагаатай танилцлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
