Хэрэглээний шинжлэх ухаан сургуулийн Физикийн тэнхимд Инженер технологийн дээд боловсрол (ИТДБ) төслийн хүрээнд ирсэн шинээр лабораторийн ажлын хоёр дахь хэлэлцүүлэг 2020 оны 01 сарын 13-ны өдөр амжилттай зохион байгуулагдлаа.
Шинээр тавьсан ажлын хэлэлцүүлэгт Сургалтын бодлого зохицуулалтын газрын дарга Д.Гэрэлт-Од, ШУТИС-ийн чанарын хяналт шинжилгээ, үнэлгээний албаны дарга Э.Халиун, Хэрэглээний шинжлэх ухааны сургуулийн дэд захирал А.Сарнай, МУИС-ийн Шинжлэх ухааны сургуулийн захирал Ц.Амартайван, Инженерийн дээд боловсролын төслийн мэргэжилтэн Б.Цэрэнханд, Д.Энх-Оргил нар хүрэлцэн ирж лабораторийн ажлуудыг хэрхэн сургалтад нэвтрүүлж байгаатай танилцлаа.
Энэхүү хэлэлцүүлгийг нээж физикийн тэнхимийн эрхлэгч Ч.Алдармаа физикийн тэнхимийн лаборатори тоног төхөөрөмжийн шинэчлэлтийн талаар танилцууллаа.
ИТДБ төслийн хүрээнд Физикийн лабораторийн 16 ажил хүлээн авахаас Физик-1 хичээлийн сургалтад хэрэглэгдэх 7 лабораторийн ажлын хэлэлцүүлгийг 2019 оны 08 сарын 23-нд хийж сургалтад нэвтрүүлсэн байна. Энэ удаад Физик-2 хичээлийн сургалтад нэвтрүүлж байгаа 9-н лабораторийн ажлуудыг танилцуулах, хэлэлцүүлгийг нийт багш нарын хүрээнд амжилтай зохион байгууллаа.
Физикийн шинэ лабораторийн ажлын нэрс
Лабораторийн ажлуудын ажлын заавар, хэмжилт хийх арга болон хяналтын хэмжилтийг хийжээ.
ХШУС-ийн Физикийн тэнхимийн ажлын хэлэлцүүлгийн хүрээнд хэрэгжүүлж байгаа лабораторийн сургалтын үйл ажиллагаа, цаашдын лабораторийн ашиглалт хөгжүүлэлтийн талаар ирсэн зочидтой санал солилцов.
ИТДБ төслийн хүрээнд шинээр ирсэн лабораторийн ажлуудыг сургалтад нэвтрүүлснээр оюутнууд физикийн хичээлд шимтэн суралцаж, өөрсдийн гараар туршилт судалгааг хийж үзэхдээ баяртай байх болно гэдэгт найдаж байна.
Инженерийн суурь боловсролд үнэтэй хувь нэмэр оруулж байгаа ИТДБ төслийн хамт олонд талархсанаа илэрхийлье.
Физикийн тэнхим
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
