Өвөрхангай аймгийн Хархорин сумын засаг даргын тамгын газар, ШУТИС-ийн Үйлдвэрлэлийн Технологийн Сургууль, Санхүү Эдийн Засгийн Их Сургууль, МУИС-ийн Хууль зүйн сургууль хамтран “Мэргэжил сонголт ба бидний ирээдүй” семинар, уулзалтыг 05 сарын 10-ны өдөр Хархорин сумын Соёлын төвд зохион байгууллаа.
Уг сургалт, семинарыг СЭЗИС-ийн дэд захирал, доктор (Ph.D) С. Бямбахорол санаачлан, МУИС-ийн Хууль зүйн сургуулийн дэд профессор, доктор (Ph.D) Ч. Өнөрбаяр, ШУТИС-ийн Үйлдвэрлэлийн Технологийн Сургуулийн салбарын эрхлэгч, доктор (Ph.D) Д. Батбаяр хамтран зохион байгуулж Хархорин сумын 3 ерөнхий боловсролын дунд сургуулийн 11, 12 дугаар ангийн 180 гаруй сурагчид хамрагдлаа.
Үйлдвэрлэлийн Технологийн Сургуулийн Хөнгөн үйлдвэрлэлийн технологи, инженерчлэлийн салбарын эрхлэгч Д. Батбаяр ШУТИС болон Үйлдвэрлэлийн Технологийн сургуулийн хэрэгжүүлж буй хөтөлбөрүүдийн танилцуулга, ШУТИС-ийн элсэлтийн журам, инженерийн боловсролд хэрэгжүүлж буй шинэчилсэн сургалтын арга зүйн талаар танилцуулга илтгэл тавьсан.
Үйлдвэрлэлийн Технологийн Сургуулийн төгсөгчид хөнгөн, хүнс, оёдол, хэвлэл, ой модны үйлдвэрлэлийн салбарт инженер техникийн ажилтан, зохион бүтээгч дизайнерээр ажилд ордог бөгөөд хөдөлмөрийн зах зээл дээр хамгийн эрэлттэй, зуун хувь ажлын байраар хангагдан ажилладаг хэмээн сургалтын хөтөлбөрүүдийг сурталчилсан.
СЭЗИС-ийн дэд захирал, доктор (Ph.D) С. Бямбахорол
МУИС-ийн Хууль зүйн сургуулийн дэд профессор, доктор (Ph.D) Ч. Өнөрбаяр
ҮТС-ийн ХҮТИС-ын эрхлэгч Д. Батбаяр мэргэжил сурталчлах үеэр
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
