“Про Арте” клубийн залуус “Урлаг, Дизайн, Архитектур” форумыг 3-р сарын 27, 28-ны өдрүүдэд бүтээлч оюутнуудын “Соёл урлаг, боловсролын хамтын ажиллагаа” ТББ, ШУТИС-ийн Үйлдвэрлэлийн Технологийн Сургууль, Монголын Уран зургийн галлерейн дэмжлэгтэйгээр зохион байгууллаа.
Форумын хүрээнд эрдэм шинжилгээний хурал, лекц, воркшоп, оюутны бүтээлийн үзэсгэлэн зохион байгуулагдсан бөгөөд эрдэм шинжилгээний хуралд нийт 12 оюутан өөрсдийн судалгаагаа танилцуулан хэлэлцүүлснээс В.Даваадолжин “Домгийн сэтгэлгээ хүүхдийн хүмүүжилд” сэдвээр тэргүүн байрыг эзэлсэн.
Харин Монголын уран зургийн галлерейд хоёр өдрийн турш нээлттэй толилуулагдсан үзэсгэлэнг 350 орчим үзэгч үзэж оролцсон бөгөөд, Ц.Ануужингийн бүтээсэн цүнх, гуталны загвар, О.Анужаргалын натюрморт үзэгчдийн санал хураалтаар шалгаран шагнал хүртлээ.
Үйл ажиллагааны үеээр мөн ШУТИС-ийн Үйлдвэрлэлийн Технологийн Сургуулийн салбарын эрхлэгч, дэд профессор, урлаг судлалын ухааны доктор Д. Түмэнболд “Бүтээхүй” воркшоп, Анима сургуулийн багш, урлаг судлаач М. Амина “Бүтээл төрөх агшин” лекцийг оюутан залууст орж, мэдлэг туршлагаасаа хуваалцлаа. Иллюстратор зураач Э.Түвшинтөр “Дүр бүтээхүй” мастер классыг явуулан, дүр хэрхэн бий болдог талаар 80 орчим оролцогчидтой хуваалцсаны хамгийн бага оролцогчид нь 6, 8 настай багачууд байлаа.
ҮТС-ийн “Про Арте” клуб
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
