2018 оны 11 дүгээр сарын 01-ний өдөр Орхон аймгийн математикийн гүнзгийрүүлсэн сургалттай сурагчид ШУТИС-ийн үйл ажиллагаатай танилцлаа. Геологи уул уурхайн сургуулийн захирал Л.Пүрэв, багш Б.Улаанбаатар нарын санаачилгаар тус үйл ажиллагааг амжилттай хэрэгжүүлсэн байна. Энэ өдөр ШУТИС-ийн үйл ажиллагааг 82 сурагчид ШУТТНСан, СХБА-ны дарга Д.Батдорж, Оюутны соёл, үйлчилгээний албаны ахлах мэргэжилтэн Д.Цогзолмаа нар мэдээлэл хийж, сурагчдын асуултуудад хариулж тэдний сурлага, мөн сургуульд элсэн орохыг урилаа.
Мөн түүнчлэн сурагчдын хүсэлтээр лабораториуд, номын сангийн уншлагын танхимууд, эрдэс баялгийн музейг үзүүлж сонирхуулахаас гадна тэдэнд сургуулийн танилцуулга, зөвлөн туслахыг баталгаажуулсан урилга зэргийг бэлтгэн зохион байгуулав.
Сурагчдын хамгийн их тааламжтайгаар сонсоод урам авсан зүйл бол “ШУТИС бол түмний сургууль” гэх утгатай үгийн тайлбар байлаа. Манай сургуулийн оюутан болсноор 1000 орчим шилдэг тэргүүний багш нарын хичээл зүтгэлийн үр шимээр эрдэмд шамдан суралцаж, улмаар залхуу хойрго байдлыг умартан хувь хүний хөгжилд идэвхтэй хичээх талаар ойлгож, ухаарсан сайхан арга хэмжээ байсныг тэд онцлон тэмдэглэж, талархаж байлаа.
Тус арга хэмжээг дэмжин тусалсан ГУУС-ийн захирлын туслах н.Баярмаа, ГУУС-ийн музейн ЭШ-ний ажилтан Ё.Мажигсүрэн, Уул уурхайн салбарын эрхлэгч доктор, дэд профессор Б.Батболд, сургалтын мастер н.Ууганжаргал, мөн ШУТТНС-ийн мэргэжилтэн Э.Энхтүвшин нарт талархал илэрхийлье. ШУТИС бол суралцаж буй оюутнаа дээдэлсэн, тэдний сурах орчныг сайжруулахыг ямагт эрмэлзэж ажилладаг дэлхийд хүлээн зөвшөөрөгдсөн хөтөлбөрөөр үйлчилгээ үзүүлдэг шилдэг сургууль юм.
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
