ШИНЖЛЭХ УХААН, ТЕХНОЛОГИЙН ИХ СУРГУУЛЬ

Оюутны програмчлалын үндэсний 10-р олимпиадад Е-Нээлттэй Институтын баг амжилттай оролцлоо.

Оюутны програмчлалын үндэсний 10-р олимпиад нь МУИС-д Тооцоолон бодох электрон машины лаборатори байгуулагдсаны 40 жилийн ойн нэрэмжит болж 4 дүгээр сарын 19-23ны өдрүүдэд амжилттай зохион байгуулагдлаа.

Олимпиадад МУИС-ийн ХШУИС, ШУТИС-ийн МХТС, E-Нээлттэй институт, Олон улсын Улаанбаатар их сургууль, МУБИС-ийн Математик, Байгалийн ухааны сургууль, Шинэ Монгол технологийн дээд сургууль, Их засаг ОУИХ, Этүгэн их сургууль, ХУИС-ийн Мэдээлэл, Харилцааны Менежментийн Сургууль, Улаанбаатар их сургууль, Идэр их сургууль, Эм Ай Ю сургууль болон ШУТИС-ийн төгсөгчдийн баг, ЕБС-ийн сурагчдын гэсэн нийт 19 баг оролцож оюун ухаанаа сорьсон бөгөөд

I байр	МУИС, ХШУИС	SEAS-2 баг
II байр	МУИС, ХШУИС	SEAS-1 баг
III байр	ШУТИС, ЕНИ	MJEED баг
IV байр	МУИС, ХШУИС	SEAS-3 баг
V байр	ШУТИС, МХТС	SICT-1 баг
VI байр	Шинэ Монгол ТДС	NMIT баг
VII байр	ШУТИС, МХТС	SICT-2 баг
VIII байр	Шинэ Монгол ТДС	Bilbo_egg баг тус тус эзэллээ.

Энэ олимпиадын нэг онцлог нь мэргэжлийн бус ангийн оюутнууд Програмчлалын олимпиадад амжилттай оролцсон явдал юм. Е-Нээлттэй институтын MJEED баг нь Барилгын инженерийн ангийн оюутан Ж.Ганхүрэл, М. Эрхэмбилэг, механик инженерийн ангийн оюутан Г.Хонгор гэсэн бүрэлдэхүүнтэй байсан.

Техник технологийн үсрэнгүй хөгжлийн эрин үед техник технологийн мэргэжилтэн бэлтгэдэг сургуулиудад алгоритм болон програмчлалын үндсэн мэдлэг олгох хичээлүүдийг сургалтын хөтөлбөрт заавал судлах хичээл болгон оруулж өгөх нь зүйтэй гэж олимпиадад оролцогчид тэмдэглэлээ.