Цөмийн Энергийн Комиссын ажлын алба ба Японы Атомын Энергийн Агентлагийн Хүний нөөцийн хөгжлийн төв хооронд цөмийн салбарын хүний нөөцийг хөгжүүлэх хамтын ажиллагааны хүрээнд Япон Улсад зохион байгуулагддаг Реактор инженер, Цөмийн болон цацрагийн ослын бэлэн байдал, Гадаад орчны цацрагийн хяналт гэсэн 3 чиглэлд сургагч багш бэлтгэх хөтөлбөрт Монгол Улсын холбогдох байгууллагуудын албан хаагч,судлаачдыг хамруулдаг.
Японы Боловсрол, Соёл, Спортын Яамны Судалгаа Хөгжлийн албаны Олон улсын цөмийн энергийн асуудлын хэлтэс дэд дарга Юүичи МИЧИКАВА, Японы Атомын Энергийн Агентлагийн Цөмийн салбарын хүний нөөцийг хөгжлийн төвийн Ерөнхий менежер Ёшихиро НАКАНО, Ерөнхий менежер Такэши САКҮРАЙ, Нарийн бичгийн дарга Маюүка ШИМАДА нар 11-р сарын 1-нд ШУТИС-д зочилж, ШУТИС-ийн Дэд захирал Т.Намнан, ХШУС-ийн захирал Д.Ганхуяг, ЭХС-ийн захирал Ч.Мангалжалав, ХШУС-ийн Физикийн тэнхимийн эрхлэгч Г.Мөнхсайхан, тус тэнхимийн багш доктор, дэд профессор Б. Түмэндэмбэрэл, Ц.Эрхэмбаяр, Б.Одонтуяа, Н.Ариунтөгс нартай уулзаж, Японы Атомын Энергийн Агентлагийн Цөмийн салбарын хүний нөөцийг хөгжлийн төвийн үйл ажиллагаа, тус төвөөс явуулсан “Реакторын инженерийн сургагч багш” бэлтгэх сургалтад ШУТИС хэрхэн оролцож байгаа, цаашид хамтран ажиллах талаар ярилцлаа. Мөн ХШУС-ийн Физикийн тэнхимийн багш нартай уулзаж, цаашид явуулах “Реакторын инженерийн сургагч багш” бэлтгэх сургалтыг хэрхэн зохион байгуулах талаар санал солилцов.
Мөн тус сургууль дээр “Реакторын инженерчлэлийн” хамтарсан лаборатори байгуулах талаар тавьсан багш нарын саналыг ноён Юүичи МИЧИКАВА, Такэши САКҮРАЙ бусад төлөөлөгчид нааштай хүлээж авч хамтран ажиллахаар боллоо.
“Хиймэл оюунаар дээд боловсролын экосистемийг дэмжих нь” сэдэвт Зүүн Азийн дээд түвшний бодлогын хэлэлцээр зохион байгуулагдлаа
ШУТИС-ийн баг “Baku Gym for Challenge–2025” олон улсын тэмцээнээс Алтан медаль хүртлээ
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
