БНСУ-ын зуун хувийн хөрөнгө оруулалттай EZCON буюу “И Зэт Си Өү Эн” ХХК нь 2009 онд байгуулагдан Монгол улсад бетон зуурмагийн шинэ технологийг нэвтрүүлэх, түүнийг таниулах, зах зээлд нийлүүлэх зорилгоор БАС-ийн Барилгын материалын технологийн багш нар, Барилгын дэвшилтэт материал, бүтээцийн судалгааны төвтэй хамтран туршилт, судалгааны ажлыг хийж байна.
Судалгааны ажлын зэрэгцээ БАС-ийн бэлтгэн гаргаж буй Барилгын бүтээц эдлэлийн технологи, барилгын материалын үйлдвэрийн технологи мэргэжлийн оюутнуудад бетоны нэмэлтийн чиглэлээр цуврал лекц унших, үйлдвэрлэлийн бааздаа дадлага хийлгэх, ажлаар хангах зэрэг чиглэлээр хамтран ажиллаж байна.
Хамтын ажиллагааны бас нэг чиглэл нь жил бүр сурлага, хүмүүжлээрээ тэргүүний 10 оюутанд “И Зэт Си Өү Эн” ХХК -ийн тэтгэлэг олгодог. Эдгээр оюутнуудыг сонгохдоо сурлагын үзүүлэлтээс гадна амжиргааны түвшинг нь харгалзан үздэг.
Энэ удаагийн тэтгэлэгт хөтөлбөрт ББЭТ мэргэжлийн оюутан З.Төгөлдөр, Н.Анхчимэг, БМҮТ мэргэжлийн оюутан Т.Амардалай, Э.Мөнхбаяр, В.Оюунбаяр, М.Энхмаа, ИБҮБ мэргжлийн оюутан С.Түвшинбаяр, Ө.Урантогос, архитектур мэргэжлийн оюутан С.Алтангэрэл, сантехникийн инженерийн байгууламж мэргэжлийн оюутан О.Жаргалсайхан нарын 10 оюутан хамрагдлаа.
Нийт тэтгэлэгт хамрагдсан оюутнууддаа БАС-ын Захирлын зөвлөл, Хүрээлэн буй орчны инженерийн салбарны багш нарын зүгээс баяр хүргэж сурлагын өндөр амжилт хүсье.
Мэдээг бэлтгэсэн: Д.Энхгэрэл, Э.Бумбаяр
“Хиймэл оюунаар дээд боловсролын экосистемийг дэмжих нь” сэдэвт Зүүн Азийн дээд түвшний бодлогын хэлэлцээр зохион байгуулагдлаа
ШУТИС-ийн баг “Baku Gym for Challenge–2025” олон улсын тэмцээнээс Алтан медаль хүртлээ
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
