БНСУ-ын Чусон их сургууль, Шинжлэх ухаан, технологийн их сургууль хамтран ажиллах санамж бичгийг 2017 оны 3 дугаар сарын 16-ны өдөр шинэчлэн байгууллаа. Санамж бичиг зурах ёслолын арга хэмжээнд Чусон их сургуулийн талаас Ерөнхийлөгч Канг Дунг Ван, Ахисан түвшний сургуулийн захирал Жонг Хён Шиг, Төрийн удирдлагын тусгай ахисан түвшний сургуулийн захирал бөгөөд Нийгмийн ухааны сургуулийн захирал Кан Ин Ху, манай сургуулийг төлөөлөн Боловсрол эрхэлсэн проректор Х.Энхжаргал, Эдийн засаг, нийгмийн хөгжлийн проректор Л.Пүрэв, Гадаад харилцаа, хамтын ажиллагааны албаны дарга Т.Ууганбаяр, БуХС-ийн захирал Б.Пүрэвсүрэн, БАТС-ийн захирал Г.Баттүвшин, Нийгмийн ухааны салбарын эрхлэгч Б.Долгор, Нийгмийн халамжийн ахлах багш Б.Болормаа нар оролцлоо.
Санамж бичгийн хүрээнд ШУТИС-ийн залуу багш, судлаачдыг Чусон их сургуулийн холимог сургалтын тэтгэлэгт хөтөлбөрөөр докторантурант сургах, бакалавар, магистр, докторын 30 инженерийн хөтөлбөр хэрэгжүүлэх, багш, ажилтан солилцооны хөтөлбөрийг хэрэгжүүлэхээр харилцсан тохиролцсоноос гадна электроник, мэдээллийн технологи, инженерийн чиглэлээр бакалавар, магистр, докторын хөтөлбөрийн түвшинд хамтран ажиллах боллоо.
Ёслолын арга хэмжээний дараа БНСУ-ын Чусон их сургууль, Сөүл Сонгдо групп, Шинжлэх ухаан, технологийн их сургууль “Нийгмийн халамжийн магистрын хамтарсан тэтгэлэгт хөтөлбөр” хэрэгжүүлэх, урт хугацааны стратегийн түншлэл хөгжүүлэх нэгдсэн хэлэлцүүлэг боллоо. Хэлэлцүүлэгийн үр дүнд гурван талт гэрээ байгуулахаар тохиролцов. Хэлэлцүүлэгт оролцсон БНСУ-ын Сонгдо группийн ерөнхий захирал Ли Жунг Гюн, Сөүл эмнэлэгийн захирал Ц.Ганцог, Солонгос талын захирал Хун Ман-ги нар нэг жилийн турш үргэлжилсэн хэлэлцээр амжилтанд хүрсэнд баяртай байгаагаа илэрхийллээ.
Гадаад харилцаа, хамтын ажиллагааны алба
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
