ШУТИС-ийн Мэдээлэл Холбооны Технологийн Сургуулийн оюутнууд ургац хураалтанд оролцохоор явлаа.
Газар тариалан, ургац хураалт нь хүний хөдөлмөрийн үр дүнд бий болдог, залуусын оролцоо дэмжлэг зайлшгүй хэрэгтэй салбар билээ. Тийм ч учраас МХТС нь багш, оюутан залуусын идэвхтэй оролцоонд тулгуурлан нийгмийн хариуцлагаа ухамсарлан Гацуурт компанитай хамтран ажиллахаар боллоо. Эхний ээлжийн 50 оюутан, 2 багш, 1 эмчийн хамт 9-р сарын 9-нд Сэлэнгэ аймгийн Цагааннуур сум руу намрын ургац хураалтанд оролцохоор МХТС-ийн үүднээс хөдөллөө.
Сургуулийн захирлын зөвлөл, багш, ажилтан нар оюутнуудаа дуу хууртай үдэж өглөө. Ургац хураалтанд бусдыгаа манлайлан явж байгаа Холбооны салбарын оюутнуудад захирал Б.Сүхбат, салбарын эрхлэгч Н.Эрдэнэхүү нар хандан үг хэллээ. Тэрээр 1993 оноос хойш манай сургуулийн оюутнууд намрын ургац хураалтанд оролцох компанит ажил зогссон ба одоо энэ ажилд зайлшгүй залуусын оролцоо хэрэгтэй бөгөөд энэ санал санаачлагыг дэмжин 1-р ээлжинд явж буй оюутнууддаа талархахын зэрэгцээ хөдөлмөр аюулгүй ажиллагааг чанд мөрдөн ажиллах, хөдөлмөрийн үр шим амтыг мэдэрч хоорондоо эвтэй найртай сайн ажиллаад, сайхан хамт олон бүрдэхийг хүсэж сурлага хөдөлмөрийн өндөр амжилт билэгдэн үдлээ. Энэхүү намрын ажилд 4 ээлжээр I дамжааны 200 оюутан оролцохоор боллоо.
Нийгмийн туст хөдөлмөрт идэвхтэй оролцон ургац хураалтанд явж буй оюутан залуус, эмч, багш нартаа сургуулийн захирлын зөвлөл, эрдмийн хамт олны өмнөөс талархал илэрхийлж сурлага хөдөлмөрийн өндөр амжилт хүсэн ерөөе.
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
