ШУТИС-ийн ҮТС-иас уламжлал болгон зохион байгуулдаг “УРЛАХУЙН ЕРТӨНЦ” наадам 2016 оны 4 дүгээр сарын 22-ны өдөр Урлаг зааланд амжилттай болж өндөрлөлөө. “Оюутан цагийн шилдэг бүтээл-орчлонд танигдах монгол бренд” уриатайгаар 7 дахь жилдээ зохион байгуулагдаж байгаа тус наадам оюутан залуусын бие даасан бүтээлч үйл ажиллагаа, уран сэтгэлгээг хөгжүүлэх, дэмжих, тэдэнд мэргэжлийн дадлага эзэмшүүлэх, мэргэжлийн хичээлүүдийн хоорондын уялдаа холбоог сайжруулах, мэргэжлээ таниулах, оюутны бүтээлийг сурталчилах зорилготойгоор сургуулийн хэмжээнд нэгдсэн байдлаар зохион байгуулав.
Оюутнуудын хүсэн хүлээсэн наадам болсон төдийгүй жилээс жилд өргөжин тэлж, суралцагч оюутнуудын хооронд мэдлэг ур чадварын түвшингөө харилцан мэдэлцэх, мэргэжлийн ур чадвараа сорих, цаашдын тэмүүллээ тодорхойлох, ухааны ур, харааны ур, гарын ураа шалгах талбар болж байгаа юм.
Наадамд ШУТИС-ийн Боловсрол эрхэлсэн проректор Х.Энхжаргал, Оюутны хөгжил, хамтын ажиллагаа эрхэлсэн проректор П.Жаргалтуяа, ҮТС-ийн дэд захирал Д.Ариунболор, шүүгчдийн бүрэлдэхүүн, ҮТС-ийн салбарын эрхлэгч, профессор багш нар, оюутан залуус, ЕБС-ийн удирдлага, багш, төгсөх ангийн сурагчид, эцэг эхчүүд, сонирхогчид зэрэг 300 гаруй оролцогч, зочид хүрэлцэн ирсэн юм.
“Урлахуйн ертөнц-2016” нэгдсэн наадамд шилдэг уран бүтээлч, шилдэг дизайнер оюутнуудын бүтээлүүдийг танилцуулан, номинаци тус бүр дээр шилдэг нэг бүтээлийг шалгаруулан Өргөмжлөл, сургуулийн шагнал, ивээн тэтгэгч байгууллагын шагнал, “Оюутны шилдэг бүтээлийн уралдаанд” оролцох эрх, Улаан-Үдэ хотод болох Эрдэм шинжилгээний хуралд оролцох эрх, Шилдгийн шилдэг 1 бүтээлийг шалгаруулан Гадаадад суралцах эрхийн бичиг бүхий “ГРАН ПРИ” шагнал олголоо.
Уг наадмаас шалгаран, шагнал авсан шилдэг бүтээлүүдийг танилцуулбал:
Хувцас дизайны II курсын “L-pro” хамтлагийн “Zoo” загвар, АШЭЗЗБ III курсын оюутан У.Цэнд-Аюуш, Л.Түмэнбаяр, Х.Гантунгалаг нарын “Өрнө дорно” загвар
Мөн шинжлэх ухаан, технологийн их сургуулийн бүрэлдэхүүн сургуулиудын оюутан залуусын хүрээнд зохион байгуулж буй “ШУТИС-ийн загвар өмсөгч-Оюутан” сургалтанд нийт 30 эмэгтэй, 6 эрэгтэй оюутан оролцлоо. Тэднээс “Шилдэг загвар өмсөгч-Оюутан”-аар БАС-ийн Б.Итгэл, МХТС Б.Даваажаргал нар шалгарлаа. Ивээн тэтгэгч байгууллага болох “Хүүгийн гутал” ХХК, Хөнгөн үйлдвэрийн судалгаа хөгжлийн хүрээлэн, Бурхан Халдун групп “Ивээн тэтгэгчийн шагнал” гардуулав.
Наадамд идэвхитэй оролцсон эрхэм хүндэт оюутнууд, удирдаж ажилласан багш нар та бүхэндээ сурлага, уран бүтээлийн улам их амжилт гаргахыг хүсэн ерөөж, ирэх жилийн “Урлахуйн ертөнц-2017” наадамд “Оюутан цагийн шилдэг бүтээлээ урлаж-Орчлонд танигдах монгол бренд”-ээ танилцуулахаар уулзахын ерөөлийг өргөн дэвшүүлье.
ШУТИС-ийн ҮТС-ийн захиргаа
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
