Энэ сарын 15-ны өдөр ШУТИС болон БНСУ-ын Чусон их сургуулийн хооронд байгуулсан оюутан солилцооны гэрээний хүрээнд Чусон их суруулийн эмнэлэг, Сөүл Сонгдо эмнэлэг, Гвангжү хотын нийгмийн бодлого, халамжын үйчилгээний байгууллага, бусад төвүүдэд дадлага хийхээр ШУТИС-ийн БуХС-ийн 15 оюутан, хоёр багшын хамт явлаа. Манай оюутнууд гурван долоо хоногийн хугацаанд нийгмийн эрүүл мэндийн халамж үйлчилгээний талаарх мэргэжлийн дадлага хийхээс гадна глобал иргэний боловсрол, нийгмийн халамжын менежмент, сайн дурын арга хэмжээ, солонгос хэл, соёлын талаарх гурван долоо хоногийн хичээлд сууна. Боловсрол, дадлагын хөтөлбөрөөс гадна манай оюутнууд солонгосын сайн дурын арга хэмжээнд оролцох юм. Энэ нь ШУТИС-ийн оюутнууд гадаад улс оронд сайн дурын арга хэмжээ зохион байгуулж сургууль мөн эх орноо сурталчилах анхны үйл ажиллагаа болж байгаагаараа онцлог юм. Энэ арга хэмжээ гурван жил дараалан жил бүр зохион байгууллагдах ба ШУТИС-ийн оюутны мэргэжлийн болон иргэний боловсрол, хувь хүний ухамсар төлөвшил, сурлагын амжилт, идэвх чармайлтанд зөв нөлөө үзүүлнэ гэдэгт ШУТИС-ийн удирдлага, БуХС-ийн хамт олон итгэлтэй байна. Энэ оны нэгдүгээр сарын 18-ны өдөр манай оюутнууд Сөүл Сонгдо эмнэлэгийн харьяа Сөүлийн халамжын байгууллагуудад мэргэжлийн дадлагаа амжилттай эхлүүлсэн мэдээг хариуцаж явсан манай багш нараас ирүүллээ.
ШУТИС-ийн Захиргаа, Гадаад харилцаа хамтын ажиллагааны алба
ШУТИС-ийн Бизнес удирдлага, хүмүүнлэгийн ухааны сургууль, Нийгмийн ухааны тэнхим
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
