Шинжлэх ухаан, технологийн их сургуулийн Хэрэглээний шинжлэх ухааны сургууль, БНХАУ-ын Уул уурхай, технологийн их сургууль, "Чингис Хаан Баялгийн Сан Нэгдэл" ХХК, "Эрдэнэс Үйлдвэр, Технологийн Парк" ХХК гэсэн дөрвөн тал хамтран "Хятад-Монголын хамтарсан олон улсын инженерийн тэнхим", мөн "Сургалт, судалгааны төв" байгуулах тухай Санамж бичигт гарын үсэг зурлаа.
2026 оны 9 дүгээр сарын 15-ны өдөр ШУТИС-ийн I байрны хурлын танхимд БНХАУ-ын Уул уурхай, технологийн их сургуулийн ерөнхийлөгч, профессор Чжан Жисюнээр ахлуулсан төлөөлөгчдийн бүрэлдэхүүн, ШУТИС-ийн ректор Т.Намнан, ХШУС-ийн захирал Б.Тунгалагтамир, "Чингис Хаан Баялгийн Сан Нэгдэл" ХХК, "Эрдэнэс ҮТП" ХХК-ийн захирал Н.Мөнх-Идэр нар хамтарсан уулзалт хийлээ. БНХАУ-ын талаас олон улсын харилцааны албаны захирал, доктор Чэн Вэн, Эрчим хүчний сургуулийн гүйцэтгэх декан, профессор Ши Ливэй, Насан туршийн боловсролын сургуулийн декан, профессор Ван Чжицзюнь, тэргүүлэх инженерүүдийн үндэсний коллежийн дэд декан, ноён Ху Хайшань, Олон улсын харилцааны албаны дэд захирал ноён Чуан Сюэхун нар оролцов.
Уулзалтын үеэр талууд мэргэжилтэн бэлтгэх, хамтарсан судалгаа шинжилгээний чиглэлээр цаашдын хамтын ажиллагааны талаар санал солилцсоны эцэст ШУТИС-ийн ХШУС, CUMT их сургууль, "Чингис Хаан Баялгийн Сан Нэгдэл" ХХК, "Эрдэнэс ҮТП" ХХК дөрвөн тал "Хятад-Монголын хамтарсан олон улсын инженерийн тэнхим" болон "Сургалт, судалгааны төв" байгуулах тухай санамж бичигт гарын үсэг зурлаа.
Энэхүү хамтын ажиллагаа нь "Нүүрсний боловсруулалтын технологи" чиглэлээр БНХАУ-тай хамтран хэрэгжүүлэх бакалаврын (2+2) хөтөлбөрийг дэмжих зорилготой бөгөөд, ШУТИС-ийн ХШУС-ийн инженерийн боловсролыг олон улсын жишигт хүргэх, уул уурхай, нүүрсний боловсруулалтын технологийн чиглэлээр мэргэжилтэй боловсон хүчин бэлтгэх, эрдэм шинжилгээ, судалгааны хамтын ажиллагааг гүнзгийрүүлэх ач холбогдолтой юм.
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
