ШИНЖЛЭХ УХААН, ТЕХНОЛОГИЙН ИХ СУРГУУЛЬ

ШУТИС “University DX Alliance” холбооны анхдугаар уулзалтад онлайнаар оролцов

ШУТИС нь Японы Тохокү их сургуулийн үүсгэн байгуулж буй “University DX Alliance” (Их сургуулиудын дижитал шилжилтийн холбоо)-нд нэгдэн орсон бөгөөд энэхүү холбооны анхны уулзалт болох “DX Alliance MeetUp 2026” арга хэмжээ нь 2026 оны 6 дугаар сарын 24-ний өдөр Токио дахь Google компанийн оффист зохион байгуулагдаж, ШУТИС-ийн төлөөллүүд онлайнаар оролцлоо.

Хоёр их сургуулийн хамтын ажиллагаа, стратегийн түншлэлийг бодит ажил хэрэг болгох, их сургуулийн дижитал шилжилтийг эрчимжүүлэхэд энэ арга хэмжээ ач холбогдолтой.

Энэхүү арга хэмжээний үеэр Тохокү их сургуулийн төлөөлөл Кэнжи Тэрао болон Ли Юнжү нар "Монгол улс дахь томилолтын тайлан"-гаа танилцуулж, гадаад дахь хамтын ажиллагааны явцыг тайлагналаа.

Арга хэмжээнд Тохокү их сургуулийн болон Google Cloud Japan компанийн оролцогчид доорх сэдвээр ярилцаж, туршлагаа хуваалцсан нь их сургуулийн дижитал шилжилтэд хувь нэмэр болох үр дүнтэй боллоо.

Дижитал шилжилтийг хэрэгжүүлэхэд шаардлагатай байгууллагын соёлын өөрчлөлтийн талаар хэлэлцүүлэг өрнүүлэв.
Google-ийн хиймэл оюун ухааны тусламжтайгаар ажиллах хэв маягийг хэрхэн шинэчлэх боломжтойг танилцуулав.
Ахисан түвшний судалгааны төгсөлтийн сургуулийн (SOKENDAI) дижитал шилжилтийн үйл ажиллагааны туршлага болон их сургуулийн “University DX Alliance"-ийн салбар хороо байгуулах зааварчилгааг оролцогчдод хүргэв.

https://www.dx.tohoku.ac.jp/news_20260616/