Нийгмийн даатгалын ерөнхий газар болон Шинжлэх ухаан, технологийн их сургууль 2026 оны 5 дугаар сарын 26-ны өдөр хамтран ажиллах санамж бичиг байгууллаа. Санамж бичигт Нийгмийн даатгалын ерөнхий газрын дарга Б.Батжаргал, ШУТИС-ийн ректор доктор, профессор Т.Намнан нар гарын үсэг зурж баталгаажуулав.
Энэхүү хамтын ажиллагаа нь төрийн болон боловсролын байгууллагын түншлэлийг хөгжүүлэх, хамтарсан сургалт, судалгаа, хүний нөөцийг чадавхжуулах чиглэлээр урт хугацаанд хамтран ажиллах зорилготой юм.
Санамж бичгийн хүрээнд талууд эрдэм шинжилгээний болон олон талт сургалт, хэлэлцүүлгийг хамтран зохион байгуулах, нийгмийн даатгалын салбарын тулгамдсан асуудлыг шийдвэрлэхэд эрдэмтэн, судлаачид, мэргэжлийн ажилтнуудын хамтын оролцоог нэмэгдүүлэх, судалгааны ажлуудыг хамтран хэрэгжүүлэх чиглэлээр ажиллана.
Мөн нийгмийн даатгалын салбарын хүний нөөцийг бэлтгэх, албан хаагчдыг сургах, мэргэшүүлэх, чадавхжуулах, хиймэл оюун ухаан, компьютер, программ хангамж, сэтгэл судлал, гадаад хэлний мэдлэгийг дээшлүүлэх сургалтад хамруулах, оюутан залуусыг ажлын бодит туршлагад суурилсан дадлагажих хөтөлбөрт хамруулах зэрэг олон чиглэлд хамтран ажиллах юм.
Түүнчлэн нийгмийн даатгалын хууль, тогтоомж, дүрэм журмын талаарх мэдлэг мэдээллийг оюутан, багш, ажилтан албан хаагчдад хүргэх сургалт, зөвлөгөө, сурталчилгааны ажлыг зохион байгуулж, хамтын ажиллагааны хүрээнд хэрэгжүүлсэн ажлуудын мэдээллийг хоёр байгууллагын цахим болон сошиал сувгаар олон нийтэд түгээн ажиллахаар талууд тохиролцлоо.
Энэхүү хамтын ажиллагаа нь төр, их сургуулийн уялдаа холбоог бэхжүүлж, мэдлэг, судалгаа, инновацад суурилсан хөгжлийг дэмжих, салбарын хүний нөөцийн чадавхыг нэмэгдүүлэх зорилготой.
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
