ШИНЖЛЭХ УХААН, ТЕХНОЛОГИЙН ИХ СУРГУУЛЬ

ШУТИС “Түүхийн багш нарын улсын анхдугаар зөвлөгөөн”-ийг санаачилж, амжилттай зохион байгуулав

“Монголын түүх судлалыг дэмжих тухай” Монгол Улсын Ерөнхийлөгчийн 2024 оны 166 дугаар зарлигийг хэрэгжүүлэх зорилгоор, Ерөнхийлөгчийн ивээл дор 2026 оны 04 дүгээр сарын 14, 15-ны өдрүүдэд зохион байгуулагдсан “Түүхийн багш нарын улсын анхдугаар зөвлөгөөн”-д ШУТИС санаачлагч, зохион байгуулагчаар идэвхтэй оролцлоо.

Түүхийн сургалтын тулгамдсан асуудлуудыг нийт зургаан салбар хуралдаанаар хэлэлцсэн бөгөөд ШУТИС-ийн эрдэмтэн багш нар дараах чиглэлүүдэд манлайлан ажиллав:

Тавдугаар салбар хуралдаан: "Түүхийн сургалтын хөтөлбөр, сурах бичиг" сэдэвт хуралдааныг ШУТИС эрхлэн зохион байгуулж, доктор, дэд профессор Д.Сэрдарам панелистаар ажиллав.
Гуравдугаар салбар хуралдаан: "Соёлын өвийн боловсрол, түүхийн сургалт" хуралдааны хүрээнд өрнөсөн "Түүхийн мэдлэг, соёлын өвийн үр нөлөө" хэлэлцүүлгийг доктор, дэд профессор Ю.Болдбаатар модератороор чиглүүлэв.
Дөрөвдүгээр салбар хуралдаан: Зөвлөгөөний нэгдсэн хуралдааны үеэр ШУТИС-ийн Нийгэм, хүмүүнлэгийн сургуулийн Түүх, соёл, аялал жуулчлалын тэнхимийн ахлах багш, доктор Х.Мөнхбаяр “Түүхийн боловсрол ба музей” салбар хуралдааны санал, зөвлөмжийг Төрийн ордонд нийт төлөөлөгчдөд илтгэн танилцууллаа.

Энэхүү улсын хэмжээний түүхэн ач холбогдолтой зөвлөгөөнийг анхлан санаачилсан ШУТИС-ийн Түүх, соёл, аялал жуулчлалын тэнхимийн ахлах багш, доктор М.Жавзансүрэнд хамт олны зүгээс гүн талархал дэвшүүлье.