2026 оны “Чанар, ёс зүйн жил”-ийн хүрээнд Монголын түүхийн хичээлийн агуулгатай уялдуулан Цагдаагийн ерөнхий газар, Хар тамхитай тэмцэх газар хамтран оюутан залууст чиглэсэн урьдчилан сэргийлэх цогц сургалтыг амжилттай зохион байгууллаа.
Энэхүү арга хэмжээнд нийт 1346 гаруй оюутан хамрагдаж, гэмт хэрэг, мансууруулах болон сэтгэцэд нөлөөт бодисын хор уршиг, түүнээс урьдчилан сэргийлэх арга замын талаар бодит, хэрэгцээт мэдлэг мэдээллийг авсан юм. Сургалтыг цагдаагийн байгууллагын туршлагатай мэргэжилтнүүд удирдан явуулж, аюулгүй байдал, хууль сахиулах соёл, өөрийгөө болон бусдыг эрсдэлээс хамгаалах чадваруудыг ойлгомжтой, интерактив хэлбэрээр хүргэлээ. Асуулт-хариулт, нээлттэй ярилцлагын хэсгүүд нь оюутнуудын идэвх оролцоог нэмэгдүүлж, сургалтыг илүү үр дүнтэй болгосон онцлог байв.
ШУТИС болон цагдаагийн байгууллагын хамтын ажиллагааны хүрээнд хэрэгжиж буй энэхүү сургалт, лекцийн цуврал нь нийгэмд эерэг нөлөө үзүүлэх, залуу үеийг зөв хандлага, хариуцлагатай иргэн болгон төлөвшүүлэхэд чухал ач холбогдолтой юм. Энэ төрлийн үйл ажиллагааг тогтмол зохион байгуулж буйд цагдаагийн байгууллага талархал илэрхийлсэн байна.
Сургалтын үр дүнд оюутнуудын мэдлэг, ойлголт мэдэгдэхүйц нэмэгдэж, эрсдэлээс урьдчилан сэргийлэх чадвар дээшилж, эрүүл, аюулгүй орчин бүрдүүлэхэд бодит хувь нэмэр оруулж байгааг албаныхан онцоллоо.
Мөн уг арга хэмжээг амжилттай зохион байгуулахад дэмжлэг үзүүлж, хамтран ажилласан НХС-ийн Түүх, соёл, аялал жуулчлалын тэнхимийн эрхэм багш нартаа гүн талархал илэрхийлье.
ОЮУТНЫ ҮЙЛЧИЛГЭЭНИЙ АЛБА
ТҮҮХ, СОЁЛ АЯЛАЛ ЖУУЛЧЛАЛЫН ТЭНХИМ
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
