Шинжлэх ухаан, технологийн их сургууль үндэсний хүнс үйлдвэрлэлийн салбарт олон жилийн туршлагатай “Жи Пи Брайт Холдинг” ХХК-тай 2026 оны 02 дугаар сарын 06-ны өдөр хамтын ажиллагааны санамж бичиг байгуулсан билээ. Уг санамж бичгийн хүрээнд 2026 оны 03 дугаар сарын 20-ны өдөр “Жи Пи Брайт Холдинг” ХХК-ийн харьяа “Мах Импэкс” ХК-ийн төв байранд хамтын ажиллагааны дараагийн уулзалт, гэрээ байгуулах арга хэмжээ зохион байгуулагдлаа.
Энэ үеэр ШУТИС-ийн Хүнс, хөнгөн үйлдвэрлэл, дизайны сургууль “Мах Импэкс” ХК, “Милл Хаус” ХХК-тай хамтран ажиллах гэрээ байгуулсан бол “Мах Импэкс” ХК ШУТИС-ийн Эрчим хүчний инженерчлэлийн сургуультай мөн хамтын ажиллагааны гэрээ байгууллаа.
Арга хэмжээний хүрээнд ШУТИС-ийн ректорын зөвлөлийн гишүүд, газар, албадын дарга нараас бүрдсэн 20 орчим төлөөлөгч Монгол Улсын ууган үйлдвэр, 80 жилийн түүхт “Мах Импэкс” ХК болон “Талх Чихэр” ХК-ийн үйл ажиллагаатай танилцаж, цаашдын хамтын ажиллагааны боломж, чиглэлийн талаар санал солилцов.
Энэхүү уулзалт, хамтын ажиллагааны гэрээнүүд нь ШУТИС-ийн их сургууль–үйлдвэрлэлийн уялдаа холбоог бэхжүүлэх, салбарын хэрэгцээ шаардлагад нийцсэн мэргэжилтэн бэлтгэх, судалгаа, инновацын үр дүнг үйлдвэрлэлд нэвтрүүлэх, харилцан туршлага солилцох бодит алхам болж байгаагаараа онцлог юм. Энэ нь үндэсний хүнс үйлдвэрлэлийн салбар, их сургуулийн хамтын ажиллагааг шинэ шатанд гаргаж, Монголын оюуны үнэ цэнийг үйлдвэрлэлд шингээх бодит боломжийг бүрдүүлж байна.
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
