Билгийн тооллын XVII жарны “Сүрээр дарагч” хэмээх гал морин жилийн сар шинийн баярыг угтан Шинжлэх ухаан, технологийн их сургууль ахмад настнуудаа 2026 оны 2 дугаар сарын 14-ний өдөр хүлээн авч уулзах арга хэмжээг зохион байгууллаа.
Тус арга хэмжээг ШУТИС-ийн Ахмадын зөвлөл, захиргаанаас жил бүр уламжлал болгон зохион байгуулдаг бөгөөд энэ удаад ШУТИС-д ажиллаж байгаад гавьяаныхаа амралтад гарсан 250 гаруй ахмад багш, ажилтан оролцлоо. Уулзалтын үеэр ШУТИС-ийн ректор доктор (Ph.D), профессор Т.Намнан сургуулийн өнгөрсөн оны ололт амжилт, 2026 онд хэрэгжүүлэх бодлого, зорилтын талаар ахмадуудад танилцуулж, тэдний үнэтэй зөвлөгөө, санал бодлыг сонсов.
Арга хэмжээний үеэр ШУТИС-ийн Ахмадын зөвлөлөөс Монголын багш нарын холбооны “Багшийн гавьяа” одонгоор С.Төгс, “Боловсролын үйлчилгээний ахмад ажилтан” цол, тэмдгээр Энх-Амгалан, Эрдэнэбат, “Ахмад зүтгэлтэн багш” тэмдгээр С.Норовсүрэн нарыг тус тус шагнаж урамшууллаа. Мөн ШУТИС-ийн Ахмадын зөвлөлийн дарга Л.Пүрэв өнгөрсөн онд хийж хэрэгжүүлсэн ажлаа танилцуулж, ахмадуудыг сургуулийн үйл ажиллагаанд идэвхтэй оролцож, туршлага, мэдлэгээ хойч үедээ өвлүүлэхийг уриаллаа.
Арга хэмжээний үеэр Зүүн хүрээ хийдийн ламтан н.Отгонбаатар ерөөл ном айлдаж, оюутнууд урлагийн тоглолт үзүүллээ.
АРГА ХЭМЖЭЭНИЙ ГЭРЭЛ ЗУРГИЙГ ЭНД ДАРЖ АВНА
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
