Орон нутгийн үйлдвэрлэгч, хоршоод, малчдын төлөөлөлд “Цагаан алт” үндэсний хөдөлгөөний талаар мэдээлэл өгч, төр-хувийн хэвшил-хоршооны хамтын ажиллагааг сайжруулах “Арьс ширэн түүхий эд бэлтгэл-2026” сургалт, хэлэлцүүлэг говийн бүсэд эхэллээ.
Дундговь аймгийн 15 сумын хөдөө аж ахуйн тасгийн салбар хариуцсан мэргэжилтнүүд, хоршоод, түүхий эд бэлтгэлийн төлөөлөгчид нийт 80 хүнийг хамруулсан сургалт, хэлэлцүүлэг 2026 оны 2 дугаар сарын 9-10-ны өдрүүдэд Дундговь аймгийн төв Мандалговьд болж байна.
Тус сургалт, хэлэлцүүлэгт ШУТИС-ийн харьяа Хөнгөн үйлдвэрийн судалгаа, хөгжлийн хүрээлэнгийн эрдэм шинжилгээний ажилтан Ч.Батсүрэн “Ноос боловсруулах жижиг, дунд үйлдвэрлэлийн зориулалт бүхий бага оврын тоног төхөөрөмжийн танилцуулга”, эрдэм шинжилгээний ажилтан Д.Цэрэннадмид “Нэхий, хурганы арьс боловсруулах эко-технологи, тоног төхөөрөмжүүд” сэдвээр илтгэл хэлэлцүүлэн шинжлэх ухаан технологийн төслөөр бий болсон бүтээлүүдээр үзэсгэлэнд оролцож эрдэм шинжилгээний ажлын үр дүнг дундговьчуудад танилцуулан сурталчилж байна.
Монгол улсын ерөнхийлөгчийн санаачилсан “Цагаан алт” хөдөлгөөний хүрээнд зохион байгуулж байгаа энэхүү сургалт, хэлэлцүүлэг нь арьс, ширэн түүхий эдийг стандартын дагуу бэлтгэх, үндэсний боловсруулах үйлдвэрлэлийг хөгжүүлэхэд аймаг, сумын мэргэжилтэн, түүхий эд бэлтгэлийн төлөөлөгч, малчин, хоршоодын оролцоог дэмжих, хоршоодын зүгээс түүхий эд бэлтгэн нийлүүлэх үйл ажиллагааг чанартай зохион байгуулахад мэргэжлийн мэдлэг, технологийн ур чадвар олгох ач холбогдолтой юм.
ШУТИС-ийн Төв номын сангийн үйл ажиллагааг танилцуулах цахим семинар амжилттай боллоо
Далай ламын эмч Берри Керзин
"Хөргөлт инженеринг" ХХК-тай хамтран ажиллах санамж бичиг байгууллаа.
“Хувьсан өөрчлөгдөх хөдөлмөр: цахим шилжилт ба залуучуудын хөдөлмөр эрхлэлт” нэгдсэн форум, өдөрлөг амжилттай зохион байгуулагдлаа
Мэргэжилтэн багш нарын лекц боллоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
