Шинжлэх ухаан, технологийн их сургууль “Дүүрэн Фүүд” ХХК-тай урт хугацааны тогтвортой хамтын ажиллагааг эхлүүлэх зорилгоор хамтын ажиллагааны санамж бичигт албан ёсоор гарын үсэг зурлаа. Энэхүү хамтын ажиллагаа нь “Дүүрэн Фүүд” ХХК-ийн нийгмийн хариуцлага, хүний нөөцийн хөгжил, салбарын ирээдүйн хөгжилд чиглэсэн бодлогын хүрээнд хэрэгжиж буй бөгөөд тус компанийн үүсгэн байгуулагдсаны 10 жилийн ойн хүрээнд хэрэгжүүлсэн онцлох ажлуудын нэг болж байна.
Санамж бичгийн хүрээнд талууд судалгаа, шинжилгээний хамтарсан ажил хэрэгжүүлэх, эрдэм шинжилгээний хурал, хэлэлцүүлэг зохион байгуулах, цалинтай оюутны хөтөлбөр болон оюутны тэтгэлэгт хөтөлбөр хэрэгжүүлэх, багш, оюутнуудад зориулсан нээлттэй эвент, арга хэмжээ зохион байгуулах, бүтээгдэхүүн хөгжүүлэлт, бүтээгдэхүүн нийлүүлэлтийн чиглэлүүдээр хамтран ажиллахаар тохиролцлоо.
Тус хамтын ажиллагаа нь их сургууль–үйлдвэрлэлийн уялдаа холбоог бэхжүүлж, оюутнуудыг бодит үйлдвэрлэлийн орчинд суралцаж, дадлагажих боломжийг нэмэгдүүлэхийн зэрэгцээ салбарын хэрэгцээнд нийцсэн мэргэжилтэн бэлтгэх, инновац, бүтээгдэхүүн хөгжүүлэлтийг дэмжихэд чухал ач холбогдолтой юм. Мөн энэхүү хамтын ажиллагаа нь түргэн хоол үйлдвэрлэлийн салбарт Монгол Улсад анх удаа хэрэгжиж буй их сургууль, аж ахуйн нэгжийн хамтын ажиллагааны томоохон жишээ болж байгаагаараа онцлог юм.
Дижитал соёлыг түгээн дэлгэрүүлэх шинэ боломж бүрдлээ
ШУТИС-ийн Хэрэглээний шинжлэх ухааны сургууль, “Эрдэнэс ҮТП” ХХК, БНХАУ-ын Уул уурхай, технологийн их сургуультай “Нүүрсний боловсруулалтын технологи” 2+2 хамтарсан бакалаврын хөтөлбөр хэрэгжүүлнэ
БНХАУ-ын Харилцаа холбооны их сургуультай хамтран ажиллах санамж бичиг байгууллаа.
БНХАУ-ын Цинхуа их сургуулийн дэргэдэх Tus-Holdings Co.,Ltd болон TusPark-д айлчиллаа.
БНХАУ-ын Цинхуа их сургуультай хамтран ажиллах санамж бичиг, “Нүүрстөрөгчийн саармагжилт, эрчим хүчний системийн шилжилт” (CNEST) олон талт хамтарсан судалгааны хөтөлбөрийн гэрээг байгууллаа.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
