2022-2023 оны хичээлийн жилээс ШУТИС-ийн Гадаад хэлний сургуульд 3 дахь жилдээ ажиллаж буй Шаньдун их сургуулийн мэргэжилтэн багш Пан Хунчаогийн гэрээт хугацаа дуусч нутаг буцах болсонтой холбогдуулан АСТ-ээс үдэлтийн арга хэмжээ зохион байгуулж, сургууль хамт олноо төлөөлөн ректорын гарын үсэгтэй батламж, гарын бэлэг гардуулж, талархал илэрхийлж хүндэтгэл үзүүллээ.
Гадаад хэлний сургууль 2009-2010 оны хичээлийн жилээс “Техникийн мэргэжлийн орчуулга” хятад хэлний ангийг нээсэн ба гадаад хамтын ажиллагааны хүрээнд БНХАУ-ын хятад хэл түгээн дэлгэрүүлэх Ханбань байгууллага, Гадаад хэл, хамтын ажиллагааны төвтэй хамтран БНХАУ-аас жил бүр тасралтгүй мэргэжилтэн багш урьж нийт 25 багш ажиллуулсан байна.
2025-2026 оны хичээлийн жил ШУТИС-ийн Гадаад хэлний сургуульд БНХАУ-ын Шандун их сургуулийн профессор Ван Янли, багш Пан Хунчао, Мэдээлэл холбооны их сургуулийн багш Лю Юүтин, Дунхуа ТИС-ийн багш Ян Зүи, Шинан ШУТИС-ийн багш Чю Шинван нар ажиллаж байна.
БНХАУ-аас мэргэжилтэн багш урьж ажиллуулснаар суралцагчдад хятад хэлний мэдлэг, чадвар эзэмших, хятадын ёс уламжлал, соёл түүхийг таниулах, хөтөлбөр амжилттай хэрэгжихэд хувь нэмрээ оруулсаар байна.
Хамтран ажилладаг мэргэжилтэн профессор багш нартаа гүнээ талархахын сацуу Пан багшийнхаа цаашдын эрдэм судлалын үйлсэд нь амжилтын дээдийг хүсье!
ГХС-АСТ-Хятад хэлний баг
Бэлтгэсэн: Ц.Эрдэнэзаяа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
