ШИНЖЛЭХ УХААН, ТЕХНОЛОГИЙН ИХ СУРГУУЛЬ

ЮНЕСКО-ийн дэмжлэгтэй нээлттэй хэлэлцүүлэг зохион байгуулав

ЮНЕСКО-ийн 2024-2025 оны Оролцооны хөтөлбөрт шалгарсан “Дижитал шилжилт ба манлайлал” төслийн хүрээнд боловсруулж бэлтгэсэн “ШУТИС-ийн Дижитал шилжилтийн стратеги, хэрэгжүүлэх арга хэмжээний төлөвлөгөө” бичиг баримтыг танилцуулж, нээлттэй хэлэлцүүлгийг ШУТИС-ийн ШУТИС-ийн 8-р байрны 12-р давхрын Олон улсын Эрдэм шинжилгээний хурлын танхимд 2025 оны 12 сарын 01-ний өдрийн 15:00-18:00 цагт зохион байгуулагдав.

Нээлттэй хэлэлцүүлэгт ШУТИС-ийн Ректор Т.Намнан, ЮНЕСКО-ийн Монголын үндэсний комиссын Ерөнхий нарийн бичгийн дарга Б.Чинүүхэй нар оролцогчдод хандан үг хэлж, амжилт хүсэв.

Нээлттэй хэлэлцүүлэгт дараах сэдвүүдээр танилцуулгууд хийгдсэн. Тухайлбал:

ШУТИС-ийн Менежментийн сургуулийн профессор Ч.Баасандаш “Дижитал технологи ба өгөгдөл ашиглан менежментээ сайжруулах туршлага”
“Системийн инженерчлэлийн институт” ТББ-ыг үүсгэн байгуулагч Д.Жаргалсайхан “Байгууллагын үйл ажиллагааны комплеансын цахимжуулсан систем”
ШУТИС-ийн Менежментийн сургуулийн Бизнесийн удирдлагын тэнхимийн дэд профессор М.Бурмаа “Дээд боловсролын байгууллагуудын дижитал шилжилтийн бэлэн байдал: Сорилтууд ба боломжууд”
ШУТИС-ийн Нээлттэй боловсролын хүрээлэнгийн захирал Д.Ганбат “ШУТИС-ийн Дижитал шилжилтийн стратеги, үйл ажиллагааны төлөвлөгөөний төслийн танилцуулга”

Энэхүү нээлттэй хэлэлцүүлэгт ШУТИС-ийн захиргааны газар, алба, нэгжүүдийн удирдлага, ажилтнууд, Бүрэлдэхүүн сургуулийн Захирал, СЧАД, ЭНБД, ЧМ, тэнхимийн эрхлэгч, профессор, багш, ажилтнууд, Төрийн өмчит 5 их, дээд сургууль болон бусад их сургуулиудын төлөөлөл оролцож, санал бодлоо хуваалцан ярилцаж, хэлэлцүүлэгт идэвхтэй оролцов.

ШУТИС-ийн Дижитал шилжилтийн стратеги, үйл ажиллагааны төлөвлөгөөний төсөлд та саналаа доорх холбоосуудаар 2025 оны 12 сарын 5-ны 18:00 цаг хүртэл ирүүлж өгнө үү.

https://forms.office.com/r/ZuWHT4qm9L;

https://padlet.com/OEC_MUST/padlet-8fa35hdss51owg5u

НЭЭЛТТЭЙ БОЛОВСРОЛЫН ХҮРЭЭЛЭН