2025 оны 11-р сарын 01-ний өдөр Шинжлэх ухаан, технологийн их сургуулийн Геологи, уул уурхайн сургуулийн Газрын тос, өрөмдлөгийн инженерчлэлийн тэнхимийн 6 багш, Газрын тос боловсруулах үйлдвэрийн инженерчлэл, Газрын тосны инженерчлэл, Хийн инженерчлэл хөтөлбөрөөр суралцаж буй 26 оюутан “Монгол газрын тос боловсруулах үйлдвэр” ТӨХХК-ийн Дорноговь аймгийн Алтанширээ суманд баригдаж буй газрын тос боловсруулах үйлдвэрийн төслийн бүтээн байгуулалтын үйл ажиллагаатай танилцлаа. Багш, оюутнуудыг “Монгол газрын тос боловсруулах үйлдвэр” ТӨХХК-ийн Гүйцэтгэх захирал доктор (Ph.D) Д.Алтанцэцэг, Технологийн албаны дарга Б.Мөнх-Эрдэнэ нар хүлээн авч төслийн талаарх танилцуулгыг хийж, амжилт хүсэв.
Зураг 1. “Монгол газрын тос боловсруулах үйлдвэр” ТӨХХК-ийн газрын тос боловсруулах үйлдвэрийн төслийн бүтээн байгуулалтын үйл ажиллагаатай танилцаж буй байдал
Газрын тос боловсруулах үйлдвэр ашиглалтад орсноор 1.5 сая нефтийн бүтээгдэхүүн боловсруулж, дотоодын хэрэгцээгээ 50 орчим хувиар хангах боломж бүрдэнэ. Мөн 1500 ажлын байр бий болно. Монгол Улсын Засгийн Газрын захиалгаар Шинжлэх ухаан, технологийн их сургуулийн Геологи, уул уурхайн сургуулийн Газрын тос, өрөмдлөгийн инженерчлэлийн тэнхим нь Газрын тосны боловсруулах үйлдвэрийн инженерчлэл хөтөлбөрөөр “Монгол газрын тос боловсруулах үйлдвэр” ТӨХХК-ийн газрын тос боловсруулах үйлдвэрт ажиллах инженер техникийн ажилчдыг бэлтгэж байгаа бөгөөд эдгээр оюутнуудын сургалтын төлбөрийг Ашигт малтмал, газрын тосны газраас олгож байна.
“Философи, хүний эрхийн уулзварт: хиймэл оюун ухаан ба ёс зүй” философийн улсын XVII олимпиадад ШУТИС-ийн оюутнууд дэд байрыг эзэллээ
Архивчдын өдрөөр ШУТИС-ийн ажилтнууд салбарын шагналаар шагнагдлаа
БНСУ-ын Чусон их сургуультай хамтын ажиллагаагаа “Жи-Локал Их Сургууль”, “РАЙС” төслөөр өргөжүүлнэ
ШУТИС-ийн Клубийн нэгдсэн зөвлөл “Цаг хугацааны гүүр” 10 жилийн ойн хүндэтгэлийн арга хэмжээ амжилттай боллоо.
Дижитал шилжилтийн хороо бүртгэл хийх тухай
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
