ШУТИС-ийн Политехник коллеж нь гадаад хамтын ажиллагаагаа өргөжүүлж, суралцагчдын мэргэжлийн ур чадварыг олон улсын түвшинд хөгжүүлэх зорилгоор БНХАУ болон Япон улсын их, дээд сургууль, коллежуудтай үр дүнтэй хамтран ажиллаж байна.
Энэхүү хамтын ажиллагааны хүрээнд БНХАУ-ын ӨМӨЗО-ны Бугат хотын “Baotou Light Industry Vocational Technical College”, Японы улсын Үндэсний технологийн их сургуулийн дэргэдэх Югэ Коосэн коллеж зэрэг боловсролын байгууллагуудтай хамтран жил бүрийн хавар, намрын улиралд оюутан солилцоо, үйлдвэрлэлийн дадлага, сургалтын хөтөлбөрүүдийг хэрэгжүүлдэг уламжлалтай.
2025–2026 оны хичээлийн жилд Уул уурхай, машин механизмын засвар үйлчилгээ, Механикжсан тээврийн хэрэгсэл, машин механизмын засвар үйлчилгээ, Хоол үйлдвэрлэл, үйлчилгээний чиглэлээр суралцаж буй 32 оюутан, 6 мэргэжлийн багш БНХАУ-д үйлдвэрлэлийн дадлага, сургалтаа амжилттай хийж, харилцан туршлага солилцсон.
Одоо Уул уурхай, машин механизмын засвар үйлчилгээний ангийн 5 суралцагч, мэргэжлийн багшийн хамт Япон улсад оюутан солилцооны хөтөлбөрт хамрагдан, орчин үеийн техник, технологи, үйлдвэрлэлийн зохион байгуулалттай газар дээр нь танилцаж, мэргэжлийн ур чадвараа хөгжүүлж байна.
Гадаад хамтын ажиллагааны эдгээр хөтөлбөрүүд нь суралцагчдад мэргэжлийн мэдлэг, ур чадвараа ахиулах, олон улсын туршлага судлах, харилцан суралцах таатай боломжийг олгодог юм.
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
