ШУТИС бол монголын нийгэмд инженер, технологи, менежментийн ухааны эрдмийн нөлөө бүхий хамт олон. Салбар дундын шинжлэх ухаануудын торгон солбилцол дээр тогтвортой хөгжлийг зорилтууд хэрэгжих боломжтой энэ үед спортоор “эв нэгдэл”-ийг хангах нэгэн үйл явдал Менежментийн сургуулийн үйлдвэрчний эвлэлээс санаачлан зохион байгууллаа. Саяхан бүтцийн өөрчлөлт хийж шинэ хамт олон болсон учраас дотоод эв нэгдлийг бэхжүүлэх зорилгоор “Эв нэгдэл 2025” спортын арга хэмжээг 10 сарын 23-нд таван төрлөөр зохион байгуулав. Багуудыг зохион байгуулахдаа уламжлалт тэнхим, захиргааны гэх мэтээр бус харин бие бялдар, жендерийн тэнцвэртэй байдлаар бүрдүүлж шар, хар, улаан, цагаан гэх мэтээр өнгөөр нь нэрлэсэн байлаа.
Тэмцээнд оролцогч багш, ажилтнууд хоорондоо ойртон дотносож, нэгэн зорилгын төлөө спортын амтыг мэдэрсэн зугаатай өдрийг өнгөрүүлэв. Тэмцээний нэг онцлог нь маш эв найртай, ямар ч “агресив” тэмцэлдээнгүй болсон учраас нэг ч тамирчин гэмтэж бэртээгүй байсан нь онцлог юм. Ахмад гавьяатууд Х.Пүрэвдагва, Г. Батхүрэл багш нар ширээний теннис, шатрын тэмцээнд хүч сорин залуучуудтай эн тэнцүү өрсөлдөж байсан бахархалтай байлаа.
Эв нэгдлийг бэхжүүлэхэд спортын хүч, нөлөөг асар их. Хүний нөөц, байгууллагын дотоод соёлын чиглэлээр сургалт, судалгаа явуулдаг мэргэжилтнүүдийн энэ санаачилгыг нийт ШУТИС даяар туршин нэвтрүүлж, хамт олныг стратегийн зорилгодоо хүрэхэд нь түүчээлэх боломжтойг “эв нэгдэл” спортын арга хэмжээ харуулж байна.
2024. 10.23
Мэдээлэл бичсэн: Менежментийн сургуулийн ҮЭ, багш М. Сарантуяа, Ч.Баасандаш
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
