Монголын геологийн алба үүсч хөгжсөний 86, эх орондоо геологийн мэргэжилтэн бэлтгэж эхэлсний 65 жилийн ой–Геологичдын өдрийг тохиолдуулан “Докторуудын судалгааны нутгаар” нэртэй геологичдын аялал-экскурс Горхи–Жанчивлангийн хүдрийн дүүрэгт амжилттай зохион байгуулагдлаа.
Аяллыг Монголын геологийн холбооны гүйцэтгэх захирал М.Ариунболд, “Мөнхийн вулкан” ХХК-ийн ерөнхий захирал, зөвлөх геологич С.Мөнхбадрах нар хөтлөн явуулсан бөгөөд ахмад, дунд үеийн геологичид, ШУТИС болон МУИС-ийн геологийн ангийн оюутнууд оролцлоо.
Оролцогчид эрэл, хайгуул, ашиглалт хийж буй геологичидтой уулзан, геологи-ашигт малтмалын сонирхолтой илэрц, цэгүүдтэй танилцаж, мэргэжлийн мэдлэг, туршлагаа бодитоор нэмэгдүүлэх боломж олгов.
Аяллын үеэр манай багш, оюутнуудын 50 шахам жилийн өмнө зохиосон 1:50,000 хэмжээст геологийн зургийн судалгааны ажлыг дурсамж болгон хуваалцаж, гавьяат багш доктор, профессор Г.Ухнаа, Ж.Ган-Очир, Д.Чулуун, геологийн тэнхимийн эрхлэгч доктор, профессор Б.Алтанзул, шинжлэх ухааны гавьяат зүтгэлтэн доктор, профессор С.Жаргалан, доктор С.Оюунбат нар өөрийн судалгааны үр дүнгээ танилцуулсан нь оюутнуудад онол, практикийг хослуулсан бодит сургалт болсныг оролцогчид онцлон тэмдэглэв.
Д.Чулуун
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
