Бутаны Хаант улсын Засгийн газрын Хөдөө аж ахуйн яамны Мал аж ахуйн салбарын удирдлага, мэргэжилтнүүдийг ШУТИС-ийн Хөгжлийн бодлого, дижитал шилжилт эрхэлсэн проректор доктор (Ph.D), дэд профессор Р.Бадмаанямбуу, Хөнгөн үйлдвэрийн судалгаа, хөгжлийн хүрээлэнгийн Захирал доктор (Ph.D) Т.Төрмөнх, Эрдэмтэн нарийн бичгийн дарга доктор (Ph.D) С.Цэрэндулам нар 2025 оны 9-р сарын 8-ны өдөр ШУТИС-ийн харьяа Хөнгөн үйлдвэрийн судалгаа, хөгжлийн хүрээлэн дээр хүлээн авч, албан уулзалт хийв.
Тус уулзалтын үеэр хоёр тал Бутаны сарлагийн хөөвөр, ноос ноолуур боловсруулах салбарт текстилийн инженерчлэл хөтөлбөрийн зэргийн болон зэргийн бус сургалтаар мэргэжилтэн бэлтгэх, Бутаны текстилийн салбарыг хөгжүүлэхэд цаашид хэрхэн хамтран ажиллах, хамтарсан төсөл хэрэгжүүлэх тухай ярилцав.
Уулзалтын дараа Бутаны мэргэжилтнүүдэд ШУТИС-ийн харьяа Хөнгөн үйлдвэрийн судалгаа, хөгжлийн хүрээлэнгийн сүүлийн үеийн эрдэм шинжилгээ, судалгааны ажлын үр дүн, сорилтын төвийн итгэмжлэгдсэн лабораторийн үйл ажиллагаа, текстилийн шинжилгээний аргууд, сургалт болон төслүүдийн үр дүнг танилцууллаа.
Ташрамд дурдахад эрдэм шинжилгээний дэд ажилтан Г.Батчимэг 2024 оны 12 сард Бутанд НҮБ-ын Олон улсын зөвлөхөөр ажиллаж Бутан улсад “Сарлагийн хөөвөр самнах, боловсруулах” сургалт хийсэн билээ. Мэдээг доорх холбоосоос үзнэ үү. https://must.edu.mn/mn/news/11663
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
