ШУТИС-ийн нэгдүгээр курсийн оюутнуудад чиглэсэн “Хөгжлийн хөтөлбөр”-г бүрэлдэхүүн сургууль бүр удирдамжийн дагуу уулзалт, танилцуулга-orientation, Амжилттай суралцахад чиглэсэн сургалт, үйл ажиллагааг зохион байгуулж байна.
Тус ажлын хүрээнд "Thanks student" клубийн оюутнууд нэгдүгээр курсийн оюутнуудад "Таны санхүүгийн мэдлэгт" лекцийг амжилттай зохион байгууллаа.
Лекцийн үеэр оюутнуудад хувийн санхүүгээ хэрхэн зөв удирдах, төсөв төлөвлөлт хийх, хуримтлал үүсгэхийн ач холбогдол, боловсролын зээлийн сан, гадаад, дотоод тэтгэлгийн талаарх мэдээллийг болон өдөр тутмын амьдралд хэрэгцээтэй мэдлэг, зөвлөмжийг клубийн оюутнууд өөрсдийн туршлага дээр тулгуурлан хуваалцлаа.
Уг арга хэмжээ нь шинэхэн оюутнуудад санхүүгийн зохистой хандлагыг төлөвшүүлэх, хариуцлагатай хэрэглээг дэмжих зорилготой бөгөөд оролцогчид өндөр сэтгэгдэлтэй байгаагаа илэрхийлж, чөлөөтэй асуулт тавьж зөвлөгөө авлаа.
Цаашид нэгдүгээр курсийн оюутнууддаа хөтөлбөрийн хүрээн дэх “Харилцаа хандлага” сургалт, “Хотын соёл, стандарт” аяны арга хэмжээ, “Эрүүл зөв зохистой хооллолтын талаарх сургалтуудыг Оюутны үйлчилгээний нэгдсэн хуанлид тусгагдсан хуваарийн дагуу хүргэхээр төлөвлөн ажиллаж байна.
Хөтөлбөр хэрэгжүүлэхэд нэгдүгээр курсийн зөвлөх багш нар оюутнууддаа мэдээллийг хүргэн, хамтран ажиллаж байгаад талархал илэрхийлье.
Оюутны үйлчилгээний алба
ШУТИС-ийн Төв номын сангийн үйл ажиллагааг танилцуулах цахим семинар амжилттай боллоо
Далай ламын эмч Берри Керзин
"Хөргөлт инженеринг" ХХК-тай хамтран ажиллах санамж бичиг байгууллаа.
“Хувьсан өөрчлөгдөх хөдөлмөр: цахим шилжилт ба залуучуудын хөдөлмөр эрхлэлт” нэгдсэн форум, өдөрлөг амжилттай зохион байгуулагдлаа
Мэргэжилтэн багш нарын лекц боллоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
