Монгол Улсын Соёлын биет бус өвийн 2024 оны шилдэг өвлөн уламжлагчаар “Цуур хөгжмийн уламжлалт урлаг” өвийг өвлөн уламжлагч, ШУТИС-ийн Соёл судлалын ангийн 2008 оны төгсөгч Бямбажавын Наранбат шалгарлаа. Шагналыг Монгол Улсын Соёл, спорт, аялал жуулчлал, залуучуудын сайд батламжилж, гардуулсан бөгөөд түүний өвлөж хадгалж буй цуур хөгжмийн уламжлалт урлаг нь Монгол Улсаас ЮНЕСКО-ийн “Яаралтай хамгаалах шаардлагатай соёлын биет бус өвийн жагсаалт”-д 2009 онд бүртгэгдсэн үндэсний үнэт өв юм.
Б.Наранбатын өвлөн уламжилсан замнал
Б.Наранбат нь 1984 онд Ховд аймгийн Дуут сумын Асгат гэдэг газарт төрсөн бөгөөд Монгол Улсын нэрт цуурч, өвлөн уламжлагч Паарайн Наранцогтын (1921–2003) ач хүү, түүний ур чадварыг өвлөж авсан 8 дахь үеийн цуурч юм. Тэрээр 6 настайгаасаа өвөө болон ааваасаа цуур хөгжмийн урлагийг гэрийн уламжлалаар суралцаж, өнөөдөр 35 жилийн турш энэхүү өвийг хадгалан түгээн дэлгэрүүлж байна.
Б.Наранбат нь 2003–2008 онд Шинжлэх ухаан, технологийн их сургуульд “Соёл судлаач” мэргэжлээр суралцан төгссөн. Оюутан байх хугацаандаа буюу 2006 онд “Хүннү цуурчдын холбоо”-г үүсгэн байгуулж, өнөөг хүртэл уламжлалт хөгжмийн сургалт, судалгаа, түгээн дэлгэрүүлэлтийн олон ажлыг санаачлан хэрэгжүүлсээр байна.
Гавьяа, бүтээл
Шагнал, үнэлгээ:
2024 оны шилдэг өвлөн уламжлагчаар нийт 32 нэр дэвшигч өрсөлдсөнөөс “Цуур хөгжмийн уламжлалт урлаг”-ийг амьд хэлбэрээр өвлөж, түүнийг олон нийтэд түгээн дэлгэрүүлж буй Б.Наранбат “Соёлын биет бус өвийн мэргэжлийн зөвлөл”-ийн шийдвэрээр шалгарсан байна.
Төгсөгч Б.Наранбатын амжилтаар бахархаж, цаашдын соёлын өвийг хамгаалах, өвлүүлэх, залуу үед түгээх үйл хэрэгт нь амжилт хүсэж байна.
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
