Хэрэглээний шинжлэх ухаан, инженерчлэлийн олон улсын хурал (ICASE) нь 2019 оноос эхлэн хоёр жил тутам зохион байгуулагдаж ирсэн уламжлалтай. Ээлжит ICASE 2025 олон улсын хурал нь 2025 оны 6 дугаар сарын 9–10-ны өдрүүдэд Улаанбаатар хотноо амжилттай зохион байгуулагдлаа.
Хуралд Итали, ХБНГУ, БНЧУ, ОХУ, БНХАУ, БНКУ, Япон, Монгол зэрэг найман улсын 20 гаруй их, дээд сургууль болон судалгааны байгууллагын 120 гаруй эрдэмтэн, судлаач, инженерүүд оролцож, дөрвөн салбар хуралдааны хүрээнд нийт 105 аман болон ханын илтгэлийг хэлэлцүүлэв.
Хурлын зорилго нь математик, хими, физик, инженерчлэлийн шинжлэх ухааны чиглэлээр ажиллаж буй судлаач, эрдэмтдийн судалгааны үр дүнг олон нийтэд таниулах, олон улсын хамтын ажиллагааг өргөжүүлэх, мөн зах зээлийг нээлттэй, шударга, өрсөлдөхүйц болгоход шаардлагатай мэдлэг, судалгаа, технологийн хөгжлийг дэмжихэд оршино.
Энэ удаагийн хурлын онцлох зүйл бол сонгогдсон илтгэлүүдийг Springer Nature хэвлэлийн газрын, Scopus мэдээллийн санд бүртгэлтэй хурлын эмхэтгэл болгон хэвлүүлж байгаад оршино.
Хурлыг дэмжиж бүтээлээ хэлэлцүүлсэн эрдэмтэн, судлаачид, инженерүүд болон дэмжигч байгууллага, ШУТИС-ийн Эрдэм шинжилгээ, технологи хөгжүүлэлтийн албаны хамт олон, ШУТИС-ХШУС-ийн профессор, багш нар, хурал зохион байгуулах ажлын хэсгийн хамт олондоо баярлалаа.
Эрдэм, номын үйлс нь арвин их олзтой байх болтугай!
Хурлын дэлгэрэнгүй хөтөлбөртэй дараах холбоосоор танилцана уу. http://icase.mn/icase-2025.
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
