2025 оны 6 дугаар сарын 2-ны өдөр ШУТИС-ийн ректор Т.Намнан Унгар Улсаас Монгол Улсад суугаа Онц бөгөөд Бүрэн эрхт Элчин сайд Др. Борбала Обрущанский, тус ЭСЯ-ны нарийн бичгийн дарга Г.Хишигбадам нарыг хүлээн авч уулзлаа.
Уулзалтын үеэр Элчин сайд Борбала Обрущанский хоёр орны боловсрол, шинжлэх ухаан, технологийн салбар дахь уламжлалт, найрсаг хамтын ажиллагааг онцлон дурдлаа. Тэрээр ШУТИС болон Унгарын их дээд сургуулиудын хооронд шинжлэх ухаан, технологийн чиглэлээр хамтарсан төсөл хэрэгжүүлэх, оюутан суралцуулах, багш судлаачдын мэргэжлийг дээшлүүлэх, хамтарсан хөтөлбөр хэрэгжүүлэх зэрэг олон боломж байгааг тэмдэглэн хэлэв.
Ректор Т.Намнан Элчин сайдад талархал илэрхийлж, Унгарын нэр хүндтэй их дээд сургуулиудтай хамтын ажиллагаа эхлүүлэхэд ШУТИС бэлэн байгааг мэдэгдэв. Тэрээр нэн тэргүүнд түүх соёл, археологи, хот төлөвлөлт, усны байгууламжийн инженерчлэл, сэргээгдэх эрчим хүч, механик тээвэр, мэдээллийн технологи зэрэг салбарт оюутан, багш, судлаачдыг богино хугацааны сургалтад хамруулах, солилцооны хөтөлбөр хэрэгжүүлэх, хамтарсан төсөл, хөтөлбөрүүдийг санаачлан хэрэгжүүлэх сонирхлоо илэрхийллээ.
Энэхүү уулзалт нь ШУТИС-ийн олон улсын хамтын ажиллагааг өргөжүүлэх, шинжлэх ухаан, технологийн салбар дахь түншлэлийг гүнзгийрүүлэхэд чухал ач холбогдолтой боллоо.
“Хиймэл оюунаар дээд боловсролын экосистемийг дэмжих нь” сэдэвт Зүүн Азийн дээд түвшний бодлогын хэлэлцээр зохион байгуулагдлаа
ШУТИС-ийн баг “Baku Gym for Challenge–2025” олон улсын тэмцээнээс Алтан медаль хүртлээ
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
