ШИНЖЛЭХ УХААН, ТЕХНОЛОГИЙН ИХ СУРГУУЛЬ

ШУТИС “Ажил олгогчдын нэгдсэн уулзалт, өдөрлөг” арга хэмжээ боллоо

ШУТИС-ийн Оюутны үйлчилгээний алба, Бүрэлдэхүүн сургуулийн Сургалт, чанарын албатай хамтран оюутанд зориулсан цагийн болон байнгын ажлын байрыг танилцуулах, зуучлах, дадлага ажил хийхэд туслахад чиглэсэн “АЖИЛ ОЛГОГЧДЫН НЭГДСЭН УУЛЗАЛТ, ӨДӨРЛӨГ”-ийн арга хэмжээг ШУТИС-ийн хичээлийн бүх байруудад оюутанд ойр байхаар зохион байгуулснаараа онцлог боллоо.

Тус арга хэмжээнд нийт 49 байгууллага, ШУТИС-ийн төгсөгчдөд “Ажил эрхлэлтэд чиглүүлэх сургалт”-ийг хамтран зохион байгуулдаг хүний нөөцийн MSDI Pro-HR консалтинг групп, 2025 оноос эхлэн оюутан залууст зориулан “Student Samushil” салбарыг нээн ажиллуулж буй өдрийн хөдөлмөр зуучлалын төв зэрэг байгууллагуудыг урьж ажиллууллаа. Байгууллагуудад оюутнууд цагийн болон байнгын ажлын байранд бүртгүүлж, байгууллагуудтай танилцах зэрэг үр дүнтэй ажиллав.

Ороцогч байгууллагын төлөөллүүдээс ШУТИС-ийн төгсөгчдийн ур чадварын талаар судалгаа авсан ба судалгааны үр дүнг танилцуулахад

Энэ өдөр ШУТИС-ийн төгсөгчдөд “Ажил эрхлэлтэд чиглүүлэх сургалт”-ийг 2025 оны 3 дугаар сараас 5 дугаар сарын 01 хүртэл зохион байгуулсан ба тус сургалтад нийт 209 оюутан хамрагдсанаас 30 оюутан сургалтын батламж авах болзол хангасан. Эдгээр оюутнуудын төлөөлөлд батламж олголоо. Батламжийг ОҮА-ны дарга Д.Цогзолмаа, мэргэжилтэн Ц.Болдбаатар, MSDI Pro-HR консалтинг группийн захирал Б.Анхбаяр нар гардуулж өгсөн. Батламж авсан оюутнуудад цаашдын боломж, төсөл хөтөлбөрт хамтран ажиллах талаар тусгайлан танилцууллаа.