ШИНЖЛЭХ УХААН, ТЕХНОЛОГИЙН ИХ СУРГУУЛЬ

“Ирээдүйн инженерүүд” улсын олимпиад боллоо

"ИРЭЭДҮЙН ИНЖЕНЕРҮҮД" УЛСЫН ОЛИМПИАД боллоо

Монгол улсын инженер, технологийн салбарыг хөгжүүлэхэд гол түлхэц болох хүний нөөцийг бэлтгэн гаргадаг Шинжлэх ухаан, технологийн их сургуулийн нэрэмжит “Ирээдүйн инженерүүд 2025” улсын гуравдугаар олимпиад 3 дахь жилдээ зохион байгуулагдлаа.

Ерөнхий боловсролын сургуулийн төгсөх 12 дугаар ангийн сурагчдаас инженерийн сэтгэлгээтэй, ирээдүйд инженер болох сонирхолтой, ШУТИС-д элсэн суралцах хүсэлтэй сурагчдыг нээж илрүүлэх, ШУТИС-ийн сургуулийн тэтгэлэгээр суралцах боломжийг олгох, ШУТИС-ийн сургалтын хөтөлбөрийг сурагчдад сурталчлах зорилготой юм.

Олимпиадын шалгаруулалт 3 шаттайгаар үргэлжилсэн бөгөөд нэгдүгээр шатыг Б.Должисүрэн, хоёр ба гуравдугаар шатыг Г.Зоригт багшаар ахлуулсан Шинжлэх ухаан технологийн их сургуулийн профессор багш нар боловсруулан батлуулж, тэмцээн уралдааныг зохион байгуулж, сурагчдыг шалгарууллаа.

Олимпиадын:

I шат нь - математик, физик, хими, механик, мэдээллийн технологи хичээлийн онолын суурь мэдлэг, инженерийн сэтгэх чадварыг сорьсон онлайн асуулт бүхий даалгавар.

II шат нь - тодорхой өгөгдсөн нөхцөлд инженерийн тооцоонд суурилсан зохион бүтээх даалгаварыг гэрт гүйцэтгэж, бүтээлийн инженерийн санаа, шийдлээр уралдах;

III шат нь - шалгарсан 20 оролцогч Шинжлэх ухаан технологийн их сургууль дээр хүрэлцэн ирж урьдчилан бэлдсэн материал, багаж хэрэгслийг ашиглан инженерийн тооцоолол, байгалийн ухаан болон мэдээллийн технологийн мэдлэгт суурилсан зохион бүтээх даалгаврыг лабораторт туршин гүйцэтгэж, талбайн тэмцээн дээр уралдуулсан гүйцэтгэлээр үнэллээ.

Энэ удаагийн олимпиадад 239 сурагч бүртгүүлж I шатанд 188 сурагч онлайнаар оролцож, II шатанд 20 сурагчийн бүтээлийг шалгаруулж III шатанд ирж оролцлоо.

Олимпиадын ТУСГАЙ БАЙРанд:

Мөнхбат	Тэнгис	Хөвсгөл аймгийн Мөрөн сумын Дэлгэрмөрөн ерөнхий боловсролын сургууль, 12б анги
Өлзийтогтох	Бэлгүтэй	Дорнод аймгийн, Хэрлэн сумын 1-р сургууль, 12б анги
Баатар	Ариунбаатар	Хөвсгөл аймгийн Мөрөн сумын Дэлгэрмөрөн цогцолбор сургууль , 12г анги
Баясгалан	Пүрэвдавга	Өвөрхангай аймгийн Арвайхээр сумын Тэмүүлэл-Эрдэм сургууль, 12а анги
Зоригтбаатар	Эрдэнэтунгалаг	Хэнтий аймгийн Хэрлэн сумын Тэмүүжин сургууль, 12г анги

Олимпиадын ХҮРЭЛ медалийг:

ШУТИС-ын харьяа ЕБ-ын Ахлах сургуулийн 12 а ангийн сурагч Буяннэмэх овогтой ХАЛИУНСҮРЭН
Хэнтий аймгийн Хэрлэн сумын Тэмүүжин сургуулийн 12 в ангийн сурагч Цолмон овогтой НОМИН
Ховд аймгийн Жаргалант сумын Цаст-Алтай сургуулийн 12 а ангийн сурагч Бямбажав овогтой БАЯР-ЭРДЭНЭ

Олимпиадын МӨНГӨН медалийг:

МУИС-ийн харъяа ахлах сургуулийн 12 а ангийн сурагч Алтанбагана овогтой МИНЖБОЛОР
МУИС-ийн харъяа ахлах сургуулийн 12 а ангийн сурагч Нармандах овогтой АНХБАЯР

Олимпиадын тэргүүн байр, АЛТАН медалийг:

Хөвсгөл аймгийн Мөрөн сумын Дэлгэрмөрөн ерөнхий боловсролын сургуулийн 12 г ангийн сурагч Баярсайхан овогтой ОТГОНБИЛЭГ

нар тус тус хүртлээ.

Мөн ШУТИС Барилга, Архитектурын Сургууль -ийн Усны барилга байгууламжийн судалгаа хөгжлийн төвийн нэрэмжит дөрвөн жилийн сургалтын тэтгэлгийг (133 кр = 24 сая төг) Хөвсгөл аймгийн Мөрөн сумын Хөвсгөл "Дэлгэрмөрөн" цогцолбор сургууль -ийн сурагч Б.Ариунбаатарт гардууллаа.

III шатанд шалгарсан сурагчид ЭЕШ өгч ШУТИС-ийн Элсэлтийн журамд заасан босго онооны болзлыг хангасан тохиолдолд ШУТИС-д хүссэн мэргэжлээр элсэн суралцах урилга авна.

ШУТИС-д элсэж суралцсан тохиолдолд 30 кредитийн сургалтын төлбөрийн тэтгэлэгийг тэргүүн байр эзэлсэн нэг сурагч 100%, 2-р байрын хоёр сурагч 70%, 3-р байрын гурван сурагч 50%, тусгай байрын таван сурагч 30%-ийн тэтгэлэгтэй юм.

2023, 2024 оны олимпиадын зарим тоон мэдээллийг харуулав.

Нийт бүртгүүлсэн, оролцсон, ШУТИС-д элсэн суралцагчдын тоо

Д.д	Он	Нийт бүртгүүлсэн сурагчид	I шат	II шат	III шат	Шалгарсан	ШУТИС-д элсэн суралцсан
Д.д	Он	Нийт бүртгүүлсэн сурагчид	оролцсон сурагчдын тоо			Шалгарсан	ШУТИС-д элсэн суралцсан
1	2023	392	272	96	-	20	15
2	2024	422	262	83	24	20	20
	НИЙТ	814	534	179	24	40	35

ШУТИС-д элсэн суралцсан хөтөлбөр, сурагчийн тоо

Д.д	ШУТИС-д элсэн суралцсан хөтөлбөр	2023 он, сурагч	2024 он, сурагч
1	Сэргээгдэх эрчим хүч	2
2	Механик инженер	2	2
3	Цахилгааны инженерчлэл	1	2
4	Архитектур	4	2
5	Хиймэл оюун ухаан	1
6	График дизайн	1
7	Kибер аюулгүй байдал	1	3
8	Мэдээллийн систем	1	1
9	Программ хангамжийн инженерчлэл	1	3
10	Цахилгаан системийн автомажуулалт	1
11	Өрөмдлөгийн инженерчлэл		1
12	Барилгын инженерчлэл		2
13	IoT /Юмсын интернэт/ технологи		1
14	Уул уурхайн ашиглалтын технологи		2
15	Дулааны цахилгаан станцын инженерчлэл		1
		15	20