“Эрдэнэсийн ангуучлал” хэмээх тэмцээн нь сонгосон сэдвийн хүрээнд оролцогчдод тусгай боловсруулсан асуудлын шийдлийг сэжүүрт мөрдлөгийн замаар хамгийн түрүүнд олж ялагч болох олон үе шат бүхий сонирхолтой, хөгжилтэй тоглоомын зарчмаар явагддаг уралдаан бөгөөд энэхүү Англи хэлээр дамжуулан мэдлэг чадвараа хөгжүүлэх аяныг Өмнөговь аймаг дахь технологийн дээд сургууль дээр 2025 оны 4-р сарын 4-18 хооронд хоёр долоо хоногийн хугацаанд ГХС-ийн багш Т.Цэнд-Аюуш санаачлан амжилттай зохион байгууллаа.
Энэхүү уралдаант арга хэмжээний зорилго нь оюутнуудын инженерийн мэдлэгийг өргөжүүлэх, зөөлөн ур чадварыг хөгжүүлэх, асуудал шийдвэрлэх арга замаар англи хэлний мэдлэг чадвараа сайжруулах практик орчныг бүрдүүлэхэд орших бөгөөд оролцогч бүр 10 үе шат бүхий сорилт даалгаврыг гүйцэтгэж авхаалж самбаа, мэдлэг чадвараа уралдуулан түрүүлж ялагч болж Супер шагналын эзэн болох юм.
Энэхүү аянд Өмнөговь аймаг дахь Технологийн сургуулийн 6 багш, төв ШУТИС-аас томилолтоор ирсэн 2 багш идэвхтэй оролцсон бөгөөд багш бүр нэг шат хариуцан оюутнаас инженерийн сэтгэлгээ, шийдэл, зөөлөн ур чадвар зэрэг олон сонирхолтой асуултыг бэлдэн хурд, техник сэтгэлгээг нь сорилоо.
Тэмцээнд нийт 100 орчим оюутан бүртгүүлж оролцсоноос Шоколадны ангуучлалын эхний 3 шатыг давсан эхний 20, бичиг хэргийн ангуучлалын 4-7-р шатыг давсан эхний 16 оролцогч тус бүр шагнал хүртсэн бөгөөд СУПЕР ШАГНАЛ-ын 8-10-р шатыг хамгийн түрүүнд амжилттай давсан 6 оролцогч багц номын ангуучлал шагналыг гардан авлаа.
1-р байр О.Угтахбаяр
1-р байр Э.Номчбаатар (Коосэн)
2-р байр Ц.Санжаасүрэн
3-р байр П.Азжаргал
Тусгай байр Э.Ууганбаатар
Тусгай байр А.Алтангэрэл
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
