Налайхын үйлдвэрлэл, технологийн парк хувьцаат компанитай хамтран ажиллах санамж бичиг байгууллаа. Санамж бичигт ШУТИС-ийн Эрдэм шинжилгээ, инновац эрхэлсэн проректор болон "Налайх Үйлдвэрлэл, Технологийн Парк" ХК-ийн гүйцэтгэх захирал Ч.Раднаабазар нар 2025 оны 04-р сарын 02-ны өдөр гарын үсэг зурлаа.
Судалгаа, инновацын үйл ажиллагааны чиглэлээр хамтран ажиллах зорилготой тус гэрээ нь 5 жилийн хугацаанд үргэлжлэх бөгөөд
- Паркийн урт хугацааны хөгжлийн төлөвлөгөөг судалгаанд суурилан хамтран боловсруулах
- ШУТИС-иас Парк-ийн үйл ажиллагаа болон паркад бүртгэлтэй аж ахуйн нэгжүүдэд мэргэжлийн зөвлөх үйлчилгээ үзүүлэх
- Паркт хөгжүүлж, бойжуулах боломжит технологи зүгшрүүлэлтийн ажил хамтран гүйцэтгэх
- Багш, судлаачид компанийн хамтарсан гарааны бизнес хөгжүүлэх
- Профессор багш, судлаачдын судалгааны ажлын үр дүнг хагас үйлдвэрлэлд турших, хөгжүүлэх
- Урт болон богино хугацааны сургалтууд зохион байгуулах
- Судалгаа шинжилгээний ажил, төсөл, хөтөлбөр, арга хэмжээ хамтран зохион байгуулах зэрэг асуудлыг тусгаж талууд хамтрахаар болов.
Санамж бичиг байгуулах үйл ажиллагаанд ШУТИС-иас Эрдэм шинжилгээ, технологи хөгжүүлэлтийн албаны дарга Ц.Цоггэрэл, Инновац, бизнес түншлэлийн албаны дарга М.Зулбаяр болон холбогдох , "Налайх үйлдвэрлэл, технологийн парк" хувьцаат компанийн Дотоод хяналт, шинжилгээ үнэлгээ хариуцсан менежер Д.Ганзориг, Захиргаа, санхүүгийн хэлтсийн дарга Г.Ганцэцэг нар болон холбогдох төлөөллүүд оролцлоо. Арга хэмжээний үеэр судалгаа, инновацын 8 дугаар байранд байрлах багш, оюутны "MUST HUB" хамтын оффис болон судалгааны лабораториудын үйл ажиллагааг Инновац, бизнес түншлэлийн албанаас танилцуулж, хамтын ажиллагааны боломжуудын талаар санал солилцлоо.
ШУТИС-Инновац, бизнес түншлэлийн алба
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал боллоо
Олон улсын “SHIFT-MUST 2025” эрдэм шинжилгээний хурлыг амжилттай зохион байгуулав
БНЧУ-ын Элчин сайдын яамны идэвхтэй дэмжлэг дор тус улсын тэргүүлэх их сургуулиудтай хэлний боловсрол, нийгмийн шинжлэх ухаан, инженерийн ухааны чиглэлээр хамтран ажиллана
Хоол зүй, шим судлалын мэргэжлийн оюутнууд олон улсын сургалтад оролцлоо
Монголын геологи-86, эх орондоо геологийн мэргэжилтэн эхэлсний 65 жилийн ойн арга хэмжээнд зориулсан ажлууд “Цэцээ гүн” явган аяллаар өндөрлөв
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
